Ýkraına bas prokýratýrasy Ýkraına Ulttyq jemqorlyqqa qarsy búrosynyń laýazymdy tulǵalarynyń 2016 jyly AQSH-taǵy prezıdenttik saılaýǵa aralasqany úshin qylmystyq is qozǵady, dep jazady Qamshy.kz aqparat agenttigi.
Ýkraınalyq «Obozrevatel» saıtynyń málimetine súıensek, jemqorlyqqa qarsy búronyń ókilderi AQSH-taǵy saılaý shtabynyń basshysy Pol Manaforttyń atyna qomaqty somada aqsha aýdarylǵany jóninde sotqa deıingi tergeý málimetterin jarıalady. Qujatta atalmysh istiń zańsyz oryndalǵany kórsetilgen. Qylmystyq is Ýkraınanyń halyqaralyq depýtaty Andreı Derkachtyń bastamasymen ashyldy.
Manafortqa aqsha aýdarý týraly qaýeset 2016 jyldyń mamyrynda shyqqan. Onyń Ýkraınadaǵy jumysyna amerıkalyq baspasóz qyzyǵýshylyq tanyta bastaǵanda, Manafort Tramp kompanıasynyń basshylyǵynan ketetini jóninde málemdegen. Onyń aıtýynsha, zańǵa qaıshy áreket bolmaǵan.
2017 jyldyń tamyzynda Ýkraına Ulttyq jemqorlyqqa qarsy búrosy men arnaıy jemqorlyqqa qarsy prokýratýranyń Manafort isin tergeýge ókilettiligi joq ekeni málimdelgen. 2017 jyldyń 25 shildesinde Donald Tramp prezıdenttik saılaýǵa Ýkraınanyń aralasýy jóninde tergeý jumystaryn bastaý kerek ekenin Tvıtterdegi paraqshasyna jazǵan. Prezıdenttiń oıynsha, ýkraınalyq kúshter «Klıntonnyń prezıdent bolýy» úshin jumys istegen.
