Qazaqstannyń Syrtqy ister mınıstri Qaırat Ábdirahmanov «EKSPO-2017» kórmesinde Afrıka kúnin merekeleý aıasynda birqatar Afrıka elderi pavılondaryn aralady dep habarlaıdy Qamshy.kz aqparat agenttigi QR Syrtqy ister mınıstrliginiń baspasóz qyzmetine silteme jasaı otyryp.
Syrtqy saıası vedomstvasynyń basshysy Afrıka memleketteriniń Astanadaǵy halyqaralyq mamandandyrylǵan kórmesine belsendi qatysqanyn atap ótti.
«Bul kórme ártúrli salalarda Qazaqstan men Afrıkanyń yntymaqtastyǵyn keńeıtýge, sondaı-aq «jasyl» ekonomıkany damytýda qazirgi zamanǵy tehnologıalarǵa afrıkalyq elderdiń qol jetkizýine jańa múmkindigin ashady», – dedi mınıstr.
Búgingi kúni Afrıka ınvestısıalardy tartý turǵysynan álemdegi jetekshi oryndardyń birin ıemdenedi jáne qyzmet kórsetý, azyq-túlik jáne energetıka boıynsha álemdegi básekege qabiletti naryqtardyń biri bolyp sanalady. Qazaqstan Afrıka memleketterimen jan-jaqty áriptestikti odan ári damytýǵa qyzyǵýshylyǵyn bildiredi.
Afrıka úshin ornyqty damý maqsattarynyń mańyzdylyǵyn moıyndaı otyryp, Astana óńirdegi janjaldardy retteýde, etnosaralyq jáne konfesıaaralyq dıalogqa, kedeılik pen saýatsyzdyqty joıýǵa jáne ártúrli epıdemıalar men aýrýlarǵa qarsy kúreste BUU men Afrıka odaǵynyń belsendi qatysýyn qoldaıdy.
BUU Qaýipsizdik Keńesiniń turaqty emes múshesi retinde Qazaqstan Afrıkalyq Múıiz óńiri jáne búkil kontınentte ulttyq tatýlasý men beıbitshilikti qalpyna keltirý úshin óziniń eleýli úlesin qosýǵa umtylady.
