Birinshi jartyjyldyqta azyq-túlik ónimderi óndirisi 7,5%-ǵa ulǵaıdy. Ótken jylmen salystyrǵanda un, makaron ónimderi, jarma, ósimdik maıy jáne óńdelgen sút óndirisi ósimi baıqaldy. Bul týraly AÓK damytýdyń 2017-2021 jyldarǵa arnalǵan memlekettik baǵdarlamasyn iske asyrý barysy týraly QR Úkimetinde ótken baspasóz konferensıasynda aýyl sharýashylyǵy vıse-mınıstri Rústem Qurmanov habarlady. Bul týraly Qamshy.kz aqparat agenttigi Premer-mınıstrdiń baspasóz qyzmetine silteme jasap habarlaıdy.

Rústem Qurmanovtyń aıtýynsha, qaıta óńdeý kásiporyndarynyń áleýeti áli de sońyna deıin paıdalanylmaǵan, osyǵan baılanysty Aýyl sharýashylyǵy ónimderin qaıta óńdeý boıynsha óndiristik qýattardy ornalastyrý kartasy ázirlendi. Búginde Qazaqstanda 1 345 belsendi kásiporyn bar, olardyń ishinde mınıstrlik basymdyqty ortalyq topty anyqtady, sony birinshi kezekte damytý josparlanǵan.  

Karta toǵyz baǵytty – sút, et, teri jáne jún, maıly jáne dándi daqyldardy, qant qyzylshasy men kartopty óńdeýdi qamtıdy. Bul baǵyttar 435 kásiporynda usynylǵan.

Sonymen qatar, kartada úsh júıeli qaǵıdat negizge alynǵan. Birinshisi – nesıe resýrstaryna qoljetimdilik jáne aýyl sharýashylyǵy kooperatıvteri arqyly qarajat jınaý esebinen jumys istep turǵan kásiporyndardy barynsha júkteý. Ekinshisi –jumys istep turǵan 80 kásiporyndy jańǵyrtý. Úshinshisi –  shıkizatpen qamtamasyz etilgen, biraq jeke óndirisi joq óńirlerde 79 jańa qaıta óńdeý kásipornyn salý.