Sabyr qyl!
Sasqanyń jetedi,
Sabyrlyq - súıkimdi etedi.
Aqylǵa salsań sen aqyryn,
Jylan da, dos bolyp ketedi.
Ańqaý bop,
Júrmegin bul shaqta,
Qýlaý bol!
Ózińdi jumsatpa.
Kezdesken, jolyqqan - jandarǵa,
Bola bil: qatty da, jumsaq ta,
Namysqa tıisse - aıama,
Qorqytsa - qashpaǵyn saıańa.
Súıetin, súıikti - adamdy,
Qorǵaǵyn!
Súıe tús, aıala.
Aldanba!
Aldap ta júrmegin,
Mazaqtap,
Orynsyz kúlmegin.
Jalqaýlyq minbesin moınyńa,
Ótsin de,
Eńbekpen, kúnderiń.
Renjiseń,
Túsirme kóńildi,
Tynysh júr!
Bilip júr jónińdi.
Qaıtesiń bekerge búldirip,
Bir-aq ret kóretin ómirdi.
Kómektes,
Qaraılap shamańa,
Baılyqty - baqyt dep sanama!
Táýbe de,
Shúkir de,
Rıza bol!
Qazirgi sátińdi baǵala!
Bek JYLQYBAEV
