Almatyda birqatar medısınalyq mekemege jańa basshylar taǵaıyndaldy, dep habarlaıdy Qamshy.kz aqparat agenttigi Densaýlyq saqtaý basqarmasyna silteme jasap.

Densaýlyq saqtaý basqarmasynyń baspasóz qyzmetinen habarlaǵandaı,  Qalalyq balalar klınıkalyq juqpaly aýrýlar aýrýhanasynyń bas dárigeri K.Tósekbaevtiń Batys Qazaqstan oblysynyń Densaýlyq saqtaý basqarmasyna basshy bolyp taǵaıyndalýyna baılanysty, onyń ornyna Erjan Bolatbekuly Seralın keldi.

Qalalyq №8, 28-inshi emhana jetekshileri qyzmetinen bosatylyp, onyń ornyna №28 klınıkalyq emhanaǵa Áıgerim Aıaǵanova, №8 emhanaǵa Farıda Aǵybaeva, sondaı-aq №1 qalalyq emhanaǵa Sapar Rahmensheev, №4 emhanaǵa Zýhra Omarova taǵaıyndaldy.  

Qalalyq adam urpaǵyn órbitý ortalyǵyna Gaýhar Kóshkimbaeva basshy bolyp kelse, «Qulager» Bastapqy medısınalyq-sanıtarlyq kómek ortalyǵy memlekettik komýnaldyq kásipornyna Ulmeken Omarova jetekshilik etetin bolady.