Búgin Qazaqstan Respýblıkasy Ulttyq mýzeıinde «Qasıetti Qazaqstan» ólketanýdy damytý ortalyǵynyń Ǵylymı-saraptamalyq keńesiniń otyrysy ótti.  Otyrysta jalpy ulttyq deńgeıdegi 100 nysandy belgileý jáne tizimdeý jobasy bekitildi-dep habaralaıdy Mádenıet jáne sport mınıstrilginiń baspasóz qyzmeti.

Biz búgin Qoǵamdyq sanany jańǵyrtý baǵdarlamasyn iske asyrý jóninde jáne elimizdiń kıeli jerleriniń geografıasy aıasynda qurylǵan «Qasıetti Qazaqstan» ǵylymı-zertteý ortalyǵynyń atqarylǵan jumystary, qolǵa alynǵan sharýalary men jalpy josparyna toqtalyp, týyndaǵan ózekti máselelerdiń ortaq sheshimin tabý úshin bas qosyp otyrmyz.

«Qazaqstannyń kıeli jerleriniń jalpyulttyq deńgeıdegi nysandardy»  belgileý maqsatyndaǵy ǵylymı-saraptamalyq keńesi otyrysynda, «Qazaqstannyń kıeli jerleriniń geografıasy» jobasyn ázirleý barysynda qolǵa alynǵan ister talqylandy. Qalalarda jáne oblys ákimdikteri ókimderimen jumys toptary qurylyp, onyń quramyna belgili tarıhshy ǵalymdar, ólketanýshylar engeni aıtyldy. 

Osyǵan baılanysty iriktelip alynatyn nysandar makrosakraldy jáne mıkrosakraldy bolyp ekige bólindi. Qasıetti nysandar mynadaı krıterıılerge súıene bólinip otyr: tabıǵı-landshafty nysandar; arheologıalyq jáne sáýlet eskertkishteri; ǵıbadat oryndary sanalatyn dinı nysandar jáne tarıhı tulǵalarmen, saıası oqıǵalarmen baılanysty oryndar.

Ǵylymı-saraptamalyq keńes quramyna belgili tarıhshylar, qoǵam qaıratkerleri, qolóner sheberleri kiredi. Olardyń qatarynda B. Ábdiǵalıuly, H. Ábjenov, N. Álimbaı R. Tursynzada syndy taǵy da basqa elge esimderi belgili tulǵalar bar.