Reseı eliniń R&C kórme ǵylymı-zertteý ortalyǵy TMD men SHYU-ǵa qatysýshy memleket astanalarynyń kongresti-kórme áleýetiniń deńgeıin kórsetetin biregeı halyqaralyq zertteý júrgizdi dep habarlaıdy Qamshy.kz aqparat agenttigi QazAqparatqa silteme jasaı otyryp.
Ákimdik saıtynyń habarlaýynsha, zertteý qorytyndysynyń nátıjesinde álemniń 14 qalasynyń ishinde halyqaralyq úzdik bestikke Beıjiń, Máskeý, Kıev, Nú-Delı jáne Astana kirgen. Odan keıingi oryndarǵa Bishkek, Tashkent, Dýshanbe, Mınsk, Kıev, Kıshınev, Nú-Delı, Islamabad ı Ashhabad syndy astanalar jaıǵasqan.
«Astana Konvenshn Búro» JSHS bul reıtıńti jasaýda kóp faktorly saraptama júrgizilgenin anyqtap otyr. Bul ádis taǵaıyndalǵan oryndardy baǵalaýdyń mańyzdy faktorlaryn sıpattaıtyn túrli kórsetkishterdi biriktirýge negizdelgen.
Sarapqa salynǵan kórsetkishter bes topqa biriktiriledi. Materıaldy-tehnıkalyq baza deńgeıi qalanyń túrli formattaǵy iskerlik sharalardy ótkizý múmkindigin sıpattaıdy. Óńirdi pozısıalaý jáne alǵa jyljytý onyń iskerlik jáne saýyq sharalaryn ótkizýge yńǵaıly oryn retinde alǵa jyljytý múmkindigin sıpattaıdy.
Ivent ındýstrıasy baǵytyndaǵy tańdaý saıasaty naryqtyń barlyq qatysýshylaryn ákimshilik turǵyda úılestirý deńgeıimen ólshenedi.
Túrli deńgeıdegi shara uıymdastyrýshylar úshin iri sharalardy ótkizý tájirıbesi mańyzdy. Bul jerde sońǵy úsh jylda iri halyqaralyq oqıǵalardy (sporttyq, mádenı, iskerlik, úkimettik) ótkizý tájirıbesi baǵalanady. Óńirdiń demalys aımaqtarynyń múmkindigi týrısik kontentpen ólshenedi.
Aıta keteıik, tańdaý áleýetiniń oqıǵalyq reıtıńi - qazirgi ýaqytta Reseı naryǵyndaǵy biregeı joba. Reıtıń avtory - Reseıdegi ıvent-ındýstrıanyń konsaltıń jáne marketıń qyzmetiniń barlyq túrlerin kórsetetin birden bir kompanıa bolyp sanalatyn R&C kórme ǵylymı-zertteý ortalyǵy.
