17 tamyzda antısıklonnyń yqpalynan eldiń batysynda, ońtústiginde jáne ortalyǵynda kún ashyq bolady, Qazaqstannyń qalǵan aýmaǵynda aýa aǵyndarynyń ótýine baılanysty keı jerlerde jańbyr jaýady, naızaǵaı jarqyldap, jel kúsheıedi, burshaq, daýyl bolýy múmkin. Respýblıkanyń soltústiginde, soltústik batysynda jáne shyǵysynda túnde jáne tańerteń keı jerlerde tuman túsýi yqtımal, dep habarlaıdy Qamshy.kz aqparat agenttigi Kazgıdrometke silteme jasap.

Shyǵys Qazaqstan, Qostanaı oblystarynyń keı jerlerinde jel 15-20 m/s kúsheıedi, túnde jáne tańerteń tuman, kúndiz burshaq jaýýy múmkin.

Jambyl oblysynyń keı jerinde jel 15-20 m/s kúsheıedi, burshaq, daýyl bolýy yqtımal.

Qyzylorda, túnde jáne tańerteń Ońtústik Qazaqstan, kúndiz Mańǵystaý oblystarynyń keı jerlerinde jeldiń jyldamdyǵy 15-20 m/s jetedi, Qyzylorda jáne Mańǵystaý oblystarynda shańdy daýyl kóteriledi.

Almaty, túnde Qaraǵandy, kúndiz Pavlodar oblystarynyń keı jerlerinde jel 15-20 m/s kúsheıedi, Almaty oblysynda burshaq túsýi  múmkin.

Aqmola oblysynyń túnde jáne tańerteń tuman kútiledi, kúndiz jel 15-20 m/s kúsheıedi.

Atyraý, Almaty, Kyzylorda, Ońtústik Qazaqstan oblystarynyń basym bóliginde, Batys Qazaqstan, Jambyl, Aqtóbe, Shyǵys Qazaqstan, Qostanaı, Qaraǵandy oblystarynyń keı jerlerinde óte joǵary órt qaýpi kútiledi. Batys Qazaqstan oblysynyń keı jerlerinde aptap ystyq bolady.