Kún batareıasynda ushatyn alǵash ushaqty oılap shyǵarýshy Bertran Pıkkar onynshy «Klımatty ózgertý máselelerine arnalǵan energetıkalyq sheshimder» konferensıanyń arnaıy qonaǵy bolady dep habarlaıdy Qamshy.kz aqparat agenttigi. Konferensıa 21 jáne 22 tamyzda «Astana EKSPO-2017» Halyqaralyq mamandandyrylǵan Kórmeniń – «Bolashaq energıasy» forýmynyń ortalyq qyzmettik is-sharasynyń sheńberinde ótedi. Onynshy konferensıanyń seriktestikteri LOGA Group jáne To Do School bolady.
Konferensıany joǵary shendi qonaqtardyń qatysýymen plenarlyq sesıa ashady. Astana qalasynyń ákimi Áset Isekeshev, «KAZENERGY» Qaýymdastyǵynyń tóraǵa orynbasary Uzaqbaı Qarabalın, «Astana EKSPO-2017» UK AQ basqarma tóraǵasynyń birinshi orynbasary Álisher Pirmetov, «KAZAKH INVEST» basqarma tóraǵasynyń orynbasary Nursultan Jıenbaev, QR ekonomıkasynyń vıse-mınıstri Rýslan Dálenov, «Atameken» QR kásipkerleriniń ulttyq palatasynyń basqarma tóraǵasy Abaı Myrzahmetov, Stenford ýnıversıtetiniń Energetıkalyq saıasat pen qarjyny zertteý boıynsha Staıer-Teılor Ortalyǵynyń ǵalymy men oqytýshysy Djeffrı Boll qatysady dep kútilýde. Júrgizýshi Oksford ýnıversıtetiniń Smith School turaqty qarjylandyrý baǵdarlamasynyń negizin qalaýshy Ben Kaldekott bolady.
Pıkkar myrza «Progres jáne turaqtylyq» taqyrybyndaǵy baıandamamen sóz sóıleıdi. Jubaıy Mıshelmen birge Bertran Pıkkar Solar Impulse jobasyn oılastyrdy. Solar Impulse úlken tanymaldylyqqa ıe boldy jáne taza tehnologıalar men energıa tıimdiliktiń paıdasyna saıası áreketterdi yntalandyrý men qoǵamnyń habardar bolýyn kóterip, progres pen turaqtylyq úshin platforma bolyp kórinedi.
Onynshy konferensıa startaptarǵa arnalǵan jáne jańa energetıka salasynda bıznesin qurastyryp jatqan jańa kásipkerlerge baǵyttalǵandyǵyn atap ketken jón.
Qatysýshylardy jańartpalarǵa, kásipkerlikke jáne tabysty bızneske arnalǵan álemdik bilim platformasy, The DO School koordınatorlary men sarapshylarynyń jetekshiligi astynda klımatty ózgertý máselesi boıynsha bes tapsyrmany sheshý ústindegi toptyq jumystar kútýde. The DO School bolashaq energıasyn damytý men jańa sheshimderdi izdeý úshin jetekshilerdi, jańalyq tabýshylardy jáne saıası kóshbasshylardy biriktiredi.
Qatysýshylar aldynda qala ómiriniń jaǵdaılaryn jaqsartýǵa jáne ınvestısıalar tujyrymdamalaryna qol jetimdilikke, turaqty damý salasynda jergilikti bastamalarda halyqaralyq kompanıalardyń qatysýyna járdemdesýge, aýyldyq aýmaqtarda jel týrbınalaryn paıdalanýǵa, sonymen birge damyǵan elderde jasyl jáne qaıta qalpyna keletin energıany taratý boıynsha qoǵamdyq pikirge yqpal etýge septigin tıgizetin birqatar is-sharalardy jobalaý tapsyrmalary bar.
Konferensıa barysynda halyqaralyq jáne qazaqstandyq sarapshylar energıa tıimdilik salasyndaǵy jańartpalardy engizý máselelerin, klımattyń ózgerý máselelerin, bolashaq energıasynyń damýyndaǵy áleýmettik mekemelerdiń rólin, taza energetıkany qarjylandyrý úlgilerin jáne ómir sapasyna qaıta qalpyna keltiriletin energetıkanyń yqpal etý qyrlaryn talqylaıdy. Sońynda Ben Kaldekott qorytyndylardy nátıjelep, negizgi pikirlerdi túıindeıdi, olar «Astana EKSPO-2017» qundylyqtar men ustanymdar Manıfesine engiziletin bolady. Qujatta forýmnyń 12 serıasynyń aralyǵynda jobalanǵan negizgi usynystar, sheshimder, jańartpalar men sharalar bekitiletin bolady. Ol barlyq is-sharanyń murasy ǵana bolmaı, halyqaralyq energetıkalyq ulasýdyń irgetasyna aınalady.
Aıta keteıik, «Bolashaq energıasy» Forýmy óz jumysyn Astana qalasynda 2017 jyly 29 maýsymda bastady jáne qazirdiń ózinde halyqaralyq energetıkalyq revalúsıanyń ózekti máselelerin talqylaýǵa arnalǵan tıimdi alań retinde ózin-ózi tanytty. Forým sheńberinde josparlanǵan 12 serıanyń 9 ótti. Baǵdarlama alýan túrli jáne paneldi talqylaýlardan, pikirtalastardan, baıandamalardan, jumys toptarynan turady.
