Sırıa basshysy áskerı jetistikterge Damask odaqtastarynyń arqasynda jetkenin málim etti.

Sırıa prezıdenti Bashar Asad Damaskiniń Batys josparlarynyń kúl talqanyn shyǵara alǵanyn málim etti dep jazady Qamshy.kz aqparat agenttigi.

Jergilikti DW portalynyń málimetine súıensek, sırıalyq basshynyń aıtýynsha, alty jylǵa sozylǵan azamattyq soǵysqa áli kúnge deıin núkte qoıylǵan joq.

«Soǵys jalǵasyp jatyr. Shaıqastyń sońy ne bolmaq, jeńis jaıynda qashan sóz qozǵaımyz, bul – sheshimin tappaǵan úlken másele», – dedi Asad.

Sondaı-aq, Sırıa prezıdenti «Áskerı jetistikter» men «Soǵys saldarynan kelgen shyǵyndar men qıyndyqtardy jeńildetý» Damask odaqtastarynyń arqasynda júzege asqanyn aıtty.

Olardyń arasynda Reseı, Iran jáne Hezbollah dep atalatyn lıvandyq radıkaldy sheıitter qozǵalysy bar.  

Odan bólek, Asad Sırıadaǵy ýshyqqan aımaqtardy toqtatýdy kózdegen halyqaralyq kúshterdi qoldaıtynyn jetkizdi.