Qazaqstannyń aýmaǵy Qostanaı qalasynyń ústinde ornalasqan kezekti antısıklonnyń yqpalynda bolady. Sondyqtan jaqyn kúnderi elimizdiń kóptegen aýmaqtarynda sınoptıkter aýa-raıy jaýyn-shashynsyz bolady dep boljaýda. Bul týraly  Qamshy.kz aqparat agenttigi Qazgıdromettiń málimetine súıenip habarlaıdy.

Tek qana shyǵys jáne ońtústik-shyǵysta atmosferalyq fronttar ótip, ótkinshi jańbyr jaýyp, naızaǵaı bolyp, jeldiń kúsheıýi bolady dep kútilýde.

Temperatýralyq fon batys, soltústik-batysta túnde 10-23 gradýs jyly, kúndiz 27-38 gradýsqa deıin jyly, soltústik, ortalyq jáne shyǵysta túnde 5-15 gradýs jyly, kúndiz 23-35 gradýsqa deıin jyly, ońtústik, ońtústik-shyǵysta túnde 10-20 gradýs jyly, kúndiz 22-35 gradýsqa deıin jyly bolady.

Qyzylorda oblysynda 22 tamyzda jeldiń ekpini 25 m/s jáne shańdy daýyl áli de saqtalady.