21 tamyzda Antalıadaǵy jol-kólik oqıǵasy saldarynan 20 týrıs zardap shekken bolatyn. Onyń biri 38 jastaǵy qazaqstandyq azamat bolyp shyqty, dep habarlaıdy Qamshy.kz aqparat agenttigi  QR syrtqy ister mınıstrliginiń baspasóz qyzmetine silteme jasaı otyryp.

Bul týraly QR SİM baspasóz qyzmetiniń basshysy Ánýar Jaınaqov habarlady.

«21 tamyzda Antalıa-Kemer baǵytyndaǵy tas jolda tirkelgen jol-kólik oqıǵasynan 1979 jylǵy qazaqstandyq azamat zardap shekti. Ol qolynan jaraqat alyp, aýrýhanaǵa jetkizilgen. Oǵan jedel járdem kómegi kórsetilip, jaraqat alǵan qoly tigildi. Qazaqstandyq dıplomattar zardap shegýshimen baılanys ustap otyr. Onyń jaǵdaıy jaqsy. Aýrýhanada qaldyrý qajettiligi týyndaǵan joq. Ol demalysyn jalǵastyrýda», - dep habarlaıdy QR SİM baspasóz qyzmetiniń basshysy Ánýar Jaınaqov.