Jezqazǵan qalasynda 17 tamyz kúni oqys oqıǵa oryn aldy dep habarlaıdy Qamshy.kz aqparat agenttigi "Qazaqmys" korporasıasynyń baspasóz qyzmetine silteme jasap.
"Qazaqmys" korporasıasy 17 tamyzda «Qazaqmys korporasıasy» JSHS Shyǵys Jezqazǵan kenishiniń № 55 shahtasynda, Sátbaev qalasynda oryn alǵan jazataıym oqıǵa týraly qaıǵyryp habarlaıdy. 1966 jyly týǵan jarýshy tazartý zaboıyn tekserý kezinde ken massasy keseginiń qulaýy nátıjesinde jaraqat aldy. 20 tamyzda dárigerlerdiń qoldarynan kelgeninshe jasaǵan áreketterine qaramastan, jumysker Jezqazǵan qalasynyń Medısına ortalyǵynda kóz jumdy", – delingen habarlamada.
Oryn alǵan oqıǵanyń mán-jaıyn anyqtaý úshin arnaıy komısıa quryldy.
Kompanıa basshylyǵy men eńbek ujymy marqumnyń otbasy men jaqyndaryna qaıǵyryp, kóńil aıtady.
