«Bolashaqqa baǵdar: rýhanı jańǵyrý» baǵdarlamasy aıasynda álemniń fılosofıa, sosıologıa, psıhologıa, mádenıettaný, dintaný, til bilimi, ekonomıka, menedjment pen kásipkerlik salalarynyń eń úzdik oqýlyqtary qazaq tiline aýdarylyp jatyr. Búginde 17 kitap aýdarylýda. AQSH, Ulybrıtanıa, Shveısarıa, Fransıa men Reseı baspalarynyń kitabyn aýdarýǵa zańdy túrde ruqsat alynǵan dep habarlaıdy Qamshy.kz aqparat agenttigi OKQ saıtyna silteme jasaı otyryp.
«Jańa gýmanıtarlyq bilim. Qazaq tilinde 100 jańa oqýlyq» degen ataýmen álemdik oqýlyqtardyń qazashalanýy buryn bolmaǵan tyń joba. Aýdarmany iske asyrý úshin 17 jumys toby qurylyp, oǵan 90-nan astam kásibı aýdarmashy atsalysýda. Bul týraly «Ulttyq aýdarma búrosynyń» basshysy Raýan Kenjehanuly Ortalyq komýnıkasıalar qyzmetinde ótken brıfıń barsynda málimdedi.
N.Menkúdyń «Ekonomıka» kitaby, Entonı Kennıdyń «Fılosofıa tarıhy» syndy kitaptary osy salada eńbektenip júrgen qazaq tildi oqyrmanǵa qajet. Jobanyń maqsaty – álimdik týyndylardy qazaq tiline aýdaryp, rýhanı keńistikti baıytý. Aýdarýǵa tańdalatyn kitaptar tizimi men sharttary jaıly baspasóz jıynda joba avtory aıtyp berdi:
"Kitaptardy irikteýde negizgi shart retinde kem degende úsh ret qaıta basylýy, sońǵy basylymy 2014 jyldan keıin bolmaýy, álemniń top-100 JOO-da qoldanylýy, mazmundyq beıtaraptylyqty saqtaý talaptary qoıylyp otyr. Sonymen qatar, qoǵamda qyzý pikir týyndatqan Keron Armstrongtyń «Qudaılar tarıhy» atty eńbeginiń aýdarýyly jaıly atap ótsem. Bul kitap elimizdegi jastarǵa durys baǵyt siltep, ǵylymı eńbekti túsinýge septigin tıgizedi. Biz ony aýdarýda ǵalym, dintanýshylarmen jumys istep jatyrmyz", – dedi Raýan Kejehanuly.
Osyǵan oraı, 23 tamyz Almaty qalasy, «Dostyq» qonaq úıinde atqarylyp jatqan jumystarǵa baılanysty ǵalymdar, aýdarmashylar, redaktorlar, baspagerler, oqý oryndary ákimshilikteri men memlekettik mekemeler ókilderi qatysatyn qazaq tilindegi aýdarma sapasyn arttyrý men ádistemelik negizderin talqylaıtyn basqosý ótedi. Basqosýda ǵylymı termınder men uǵymdardy qazaq tiline aýdarý, ózge tilderden engen sózder qoldanysy, termınologıa, stıl, aýdarma ortasyn damytý máseleleri sóz bolady.
