Qazaq radıosynyń tól jobasy -
«Dala daýysy 2014»radıofestıvali bıylda Elorda tórinde ótken saltanatty keshte «Dástúrli án», «Akademıalyq oryndaýshy», «Estradalyq oryndaýshy», «Etnoestrada» jáne «Jańa esim» atalymdary boıynsha baq synap, jeńimpaz atanǵan 20 oryndaýshy marapattaldy.
«Dala daýysy» radıofestıvalialǵash ret efırde 2012 jyly bastaý alyp, qazaq mýzykasy arqyly ana tilimizdi dúnıejúzi elderine barynsha nasıhattaıtyn elimizdegi birinshi, ári jalǵyz radıofestıval. Basty talap –festıválǵa qatysýshylardyń, tipti ol shet eldik úmitkerler bolsa da, qazaq ánin naqyshyna keltirip oryndaý. Sol sebepti de az ǵana ýaqyt ishinde «Dala daýysy» jobasy radıofestıval sheńberinen asyp, bedeldi mýzykalyq sherýge aınalyp otyr. Atalmysh jobanyń basty maqsaty – qazaqtyń dástúrli jáne zamanaýı ánderin halyqaralyq deńgeıde keńinen nasıhattaý, sińirý. Óner álemine jańa talanttardy «Jańa esimderdi» ashyp tanytý. Ár jyldardaǵy qazaqtyń án tarıhyn umyttyrmaı, tyńdarmanǵa júldelep aqqan qan tamyryndaı jaqyn bolý.
«Dala daýysy - 2014»mılıondaǵan radıotyńdarman súıikti ánderine 100 % daýys berýi arqyly 41 ánshini fınalǵa ótkizdi. Al, fınalda 40% tyńdarmandardyń daýys berýimen, 40% mamandardyń saraptaýymen, 20 % Qazaq radıosynyń kórkemdik keńesiniń sheshimimen jáne uıymdastyrý alqasynyń tańdaýy nátıjesinde jeńimpazdar anyqtaldy.
«Dala daýysy - 2014» radıofestıvaliniń laýreattary: «Dástúrli án» atalymy boıynsha:Gúlmars Amanbaeva – «Qamshyger» Qaırat Kákimov – «Úlken aıdaı» Ardaq Isataeva – «İnjý- marjan» Sábıt Dabylov – «Qumaryn tarqat»
«Akademıalyq oryndaýshy» atalymy boıynsha:Bıbigúl Januzaq pen Nurǵalı Turlybekov dýeti – «Nazqońyr».
«Estradalyq oryndaýshy» atalymy:Álı Oqapov – «Bıle» Altynaı Jorabaeva – «Perzent paryzy» Marjan Arapbaeva – «Armanyma asyǵamyn» Qurmash Mahanov – «Kirshiksiz muń» «Zaman» toby – «Qarakózim» Qaırat Baekenov jáne «Format» toby – «Mahabbat»
«Etnoestradalyq oryndaýshy» atalymy:Aqylbek Janabaev – «Qazaqpyn» Shahırızat Seıdahmet – «Jeldirme»
«Jańa esim» atalymy boıynsha:Aldaspan toby – «Boztorǵaı» Qazaqstan Marjan Isaeva – «Dáýren aı» Qazaqstan Saıan Dembırıel –«Aýylym» Reseı Ekaterına Sychevskaıa –«Qazaqstanym alǵa» Belarýssıa Lana Franchesko – «Álıa» Latvıa Adrıana Shevchenko - «Alǵashqy kóktem» Ýkraına Qaınar Qatpaev – «Astana arýy» Qytaı Halyq respýblıkasy Festıválǵa qatysýshylar keremet óner kórsetip, saltanatty túrde marpattaldy. Jeńimpaz atanǵan oryndaýshylarǵa «Dala daýysynyń» eksklúzıvti statýetkasy men arnaıy dıplomyn elimizdiń óner jáne qoǵam qaıratkerlerimen, depýtattar tabystady. Kesh óner súıer qaýymmen radıotyńdarmandarymyzdyń oıynan shyǵyp, joǵary deńgeıde ótti.
Marjan Nurjanova
Pikir qaldyrý