Iordanıanyń farmaseptıkalyq kompanıasy Qazaqstan naryǵyn «halal» dári-dármektermen qamtamasyz etpek. Bul týraly Qamshy.kz habarlaıdy.

Kompanıanyń eksport menedjeri Ahmed Jaberdiń aıtýynsha «halal» dári-dármekter quramynda shoshqa maıy men alkagoldik zattardyń qospasy bolmaýymen erekshelenedi. Jalpy, halal dári-dármekterdiń satylymdaǵy halyqaralyq úlesi 5% ǵana quraıdy. Tek musylman elderdi ǵana «halal» standartty ónimdi tutynatyn kórinedi. Qazirgi tańda taýarlar eksporttyq sertıfıkat alý úshin, sapalyq deńgeıin anyqtaıtyn tekseristerden ótýde. Bul rette Ahmed Jaber «Biz bul ónimderimizben naryqtaǵy ózge de shet eldik taýarlarmen básekeles bolamyz dep aıta almaımyz. Biraq, bizdiń ónimderimizdiń sapasy men adam aǵzasyna áser etýi ǵylymı túrde dáleldengen» deıdi. Qazaqstandaǵy «FarmMedIndýstrıa» qaýymdastyǵynyń tóraǵasy Serik Sultanov ázirge elimizde halal dári-dármekter satylymda joqtyǵyn habarlady. Bizde halal standartyna saı shujyq pen azyq-túliktiń basqa da túrleri óndiriledi.

Orynbasar Baqytbek