Qyrǵyzstanda azamattardy Sırıadaǵy soǵysqa tartyp júr degen kúdikpen TMD elderiniń azamattary ustalǵan, dep habarlaıdy Qamshy.kz aqparat agenttigi Sentralasian.org saıtyna silteme jasaı otyryp.
Qyrǵyzstannyń Memlekettik ulttyq qaýipsizdik komıteti (MUQK) baspasóz qyzmetiniń habarlaýynsha, Bishkekte halyqaralyq terorıstik uıymnyń ókilderi ustalǵan.
Olardyń ishinde 1966 jyly týǵan G.A. degen azamat pen 1971 jyly týǵan S.S. degen azamattar TMD elderiniń birinen shyqqan. Ekeýine de Sırıadaǵy terorıstik uıymǵa qatysy bar delinip izdeý jarıalanǵan.
"Atalǵan eki azamat terorıstik uıym basshylarynyń nusqaýymen qatarlaryna adam tartý úshin, Qyrǵyzstanǵa barǵan", – dep málimdeıdi MUQK.
2017 jyldyń maýsym aıynda arnaıy qyzmet Qyrǵyzstan aýmaǵynda terakti jasamaq boldy degen kúdikpen tórt adamnyń ustaǵanyn habarlaǵan. Osynyń aldynda Qaýipsizdik keńesiniń hatshysy Temir Jumaqadyrov 2016 jyly 17 teraktiniń aldyn aldyq degen.
Resmı málimetterge qaraǵanda, Irak pen Sırıa aýmaǵynda terrorıster qatarynda 500 qyrǵyz azamaty soǵysyp júr. Abaqtyda ekstremızm jáne terorızm aıyby boıynsha 185 adam jazasyn ótep jatyr.
