25 jastaǵy qaraǵandylyq qyzdyń esirtki tasymaldaǵany belgili bolyp, qamaýǵa alyndy dep habarlaıdy Qamshy.kz aqparat agenttigi liter.kz-ke silteme jasaı otyryp.

Qaraǵandylyq turǵyn Kambodjaǵa zańsyz túrde esirtki tasymaldaǵysy kelgen. Ol jolaýshylardyń senimine kirip, «brılıant salynǵan sómkeni shetelge jetkizińiz»,- dep esirtki salynǵan sómkeni bergen eken. Sonymen birge esirtki tasymaldaǵysy kelgen qyz shet tilin óte jaqsy meńgergen adamdy ádeıi tańdap alǵan.  Alaıda onyń qylmysy kóp ýaqyt ótpeı áshkere boldy.

Sonymen birge Brazılıada da eki qaraǵandylyq qyz esirtki tasymaldaýmen aınalysqany úshin ózge elge tutqynǵa alynǵan. Olardy brazılıalyq sot 7 jylǵa bas bostandyǵynan aıyrdy.  

«Kelisim boıynsha Iordanıa turǵynyna sómkede brılıant bar dep aldap, oǵan kómegi úshin 800 AQSH dollaryn bergen», - dep habarlady Qaraǵandy oblysynyń prokýratýrasy.

Qazybek aýdandyq soty zańsyz is-áreketke barǵan qyzdy  6 jyl 8 aı kóleminde bas bostandyǵynan aıyrý jazasyna kesti.