Olar búkil Qazaqstandy aralaǵan. Jarty aı ishinde 10 adamnan qurylǵan komanda 8 myńnan astam shaqyrymdy artta qaldyrdy, dep habarlady elordalyq ákimdiktiń medıa ortalyǵy dep habarlaıdy Qamshy.kz aqparat agenttigi Astana qalasy ákimdigine silteme jasap.

«Báıterek» monýmenti aldynda jınalǵan saıahatshylardy qala turǵyndary men qonaqtary, sondaı-aq ekspedısıa bastalǵan Ońtústik-Qazaqstan oblysynyń delegasıasy qarsy aldy.

Tý kótergen motosıklıster monýmentti aınala ótti. Baıkerler bul sherýdi osy jazdyń basty oqıǵasy – EKSPO kórmesi men QR Konstıtýsıasy kúnine arnady.

Ońtústik Qazaqstan baıkerler federasıasynyń prezıdenti Rústem Bazarbekovtyń sózine qaraǵanda, temir tulparmen búkil el ishin aralaý ıdeıasy oılamaǵan jerden kelgen. Saıahat týraly kóptegen baǵdarlamalardyń birin kórgen komanda kóshbasshysy top quryp, qazaqtyń darhan dalasyn kórýge sheshim qabyldaǵan. 
«Jer degen erekshe ǵoı. Jazyq keń dala. Únemi áýede ushaqpen qalyqtaımyz nemese poıyzben júremiz. Qazaqtyń keń jazyq dalasyn baıqamaı da jatamyz. Al bul buǵan kereǵar, jelmen birge júıitkip, ár saı-tasyn kórip, jerdiń qýatyn sezindik. Qaı jerge barmasaq ta adamdar jyly qabyldady. Keı kezderi aýyldarda, turǵyndardyń úıinde, keıde qonaq-úıde túnedik, úlken qalalarda tipten biz úshin konsert qoıyp, «qaharmandar» kelgen sıaqty kútti», – dedi Rústem Bazarbekov. – Ózimizben birge tek elimizdiń týyn, tamaq tıelgen sómkelerdi ǵana aldyq. Ortasha eseppen saǵatyna 100-120 jyldamdyqpen júrdik, adrenalın qalaǵan kezde 150-ge deıin jyldymdyqty arttyrdyq. Sapar barysynda eshqandaı tosqaýyl, kezdesqoı jaǵdaı bolǵan joq. Degenmen jol-kólik apatyna túskenderge kómektestik. 

«Oqıǵa Qostanaı qalasynyń mańynda oryn aldy. Jolda aýdarylyp jatqan kólikti kórdik. Sol mańda bolǵandardyń bári kómekke keldi. Abyroı bolǵanda zardap shekkender joq. Adamdardy kóliktiń ishinen alyp shyqtyq, 4 saǵatqa tosylyp qaldyq. Ári qaraı óz baǵytymyzmen qaıta jolǵa shyqtyq», – dedi R. Bazarbekov.

Baıkerler bul motosherýmen shektelmeıdi, toqtamaıdy. Kelesi jyly jolǵa shyǵatyn komanda jınaldy, Zapoláreni baǵyndyrmaqpyz. Qazaqstannyń atynan 16 adam jolǵa shyqpaq. Qysqa merzimdi jospar boıynsha elordanyń túkpir-túkpirine deıin aralaıtyn oı bar. Ári qaraı jolǵa shyǵamyz. Jelmen birge júıitkımiz.