Jolaýshynyń densaýlyq jaǵdaıyna baılanysty «Skat» ushaǵynyń kapıtany shuǵyl túrde qosalqy áýeaılaqqa qonýǵa májbúr boldy, dep habarlaıdy Qamshy.kz aqparat agenttigi QazAqparatqa silteme jasap.

Kýágerlerdiń sózine qaraǵanda, ushaq bortynda dáriger bolmaǵandyqtan, alǵashqy kómekti stúardessalar jasaǵan. Degenmen shetelden kelgen azamatshanyń qan qysymy joǵarylaı bergen.

«Osy oraıda ushqysh áýe kemesin keri buryp, jyldamdyqty arttyryp jaqynda ornalasqan Aqtaýdaǵy áýejaıǵa bet aldy. Ushaqty osyndaı dárejede uqypty ári jyldam qondyrǵan jaǵdaıdy buǵan deıin kórmeppin», – dep jazdy jolaýshylardyń biri Feısbýktegi paraqshasynda.

«Bort Astana-Erevan baǵytynda ushqan edi. Atalǵan jolaýshynyń jaǵdaıy nasharlaǵan, ıaǵnı kýágerlerdiń aıtýynsha, onyń júregi qysyp aýyrǵan. Kapıtan Aqtaýdaǵy qosalqy áýeaılaqqa qoný týraly sheshim qabyldady. Ushaq qonatyn sátte jolaýshynyń jaǵdaıy nasharlaı túsken. Dárigerler brıgadasy shaqyrtylyp, ony reısten alyp qaldy. Sońǵy aqparatqa qaraǵanda, jedel járdem qyzmetkerleri naýqasty medısınalyq mekemege alyp ketken. Eger de onyń densaýlyǵy túzelse, onda bul azamatsha erteń basqa reıspen saparyn jalǵastyrady», – dedi áýe kompanıasyndaǵy qoǵammen baılanys bóliminiń jetekshisi Vıktorıa Storojılova.