Halyq nazaryn otandastarynyń tabysqa jetý jolyna aýdartý úshin Elbasy Nursultan Nazarbaev «Qazaqstannyń 100 jańa esimi» jobasyn bastaýdy usyndy dep jazady Qamshy.kz aqparat agenttigi.

Bul bastama úsh mindetti sheshýge baǵyttalǵan: óz aqyl-bilimimen, eńbegimen, darynymen zamanaýı Qazaqstandy qalyptastyryp júrgen azamattardy qoǵamǵa pash etý, bizdiń daryndy zamandastarymyzǵa aqparattyq qoldaý kórsetý jáne tanystyrýǵa arnalǵan jańa mýltımedıalyq alańdy qurý.

Elbasymyz N.Nazarbaev bastamasy boıynsha qolǵa alynǵan  "Qazaqstannyń 100 jańa esimi" jobasy boıynsha ótinishterdi qabyldaý jalǵasýda. Qazir 100esim.el.kz saıtynda myńnan astam ótinish jarıalandy. Keı adamdarǵa ınternettiń qoljetimdi emes ekenin eskerip, jobany buqaraǵa keńinen tanytý maqsatynda búgin el.kz ınternet jobasynyń redaksıasy "Qazaqstannyń 100 jańa esimi" jobasyna ótinishterdi oflaın qabyldaý aksıasyn bastady. Astana qalasynyń tórinde ornalasqan «Báıterek» monýmentiniń janynda arnaıy stend qurylyp, jobaǵa ótinishterdi qabyldaý uıymdastyryldy.

El.kz redaksıasynyń jýrnalısi Qyrmyzy Aıdarovanyń aıtýynsha, ótinishterdi oflaın qabyldaý aıasynda ázirge 200-den astam úmitkerler týraly derekter jazyldy:

"Bastapqyda biz aksıany uıymdastyrý kezinde bul aksıa tek astanalyqtardy ǵana qamtıdy dep oıladyq. Alaıda «Báıterek» qala qonaqtarynyń eń súıikti jeri eken. Biz búgin qabyldaǵan ótinishterdiń kópshiligi respýblıkamyzdyń ár aımaǵynan bolyp shyqty, tipti, túkpirdegi shalǵaı aýyldardan kelgen azamattar ótinish toltyrýda. Bul – óte qýanyshty jaǵdaı. Túrli oqıǵalar men áńgimelerdi keıipkerlerimizdiń óz aýzynan tyńdaǵan tamasha áser qaldyrady eken. Búgingi ótinishter qabyldaý prosedýrasy erekshe shabytpen ótýde".

"Qazaqstannyń 100 jańa esimi» jobasyna oflaın ótinish qabyldaý búgin keshke deıin jalǵasady. Joba oryndaýshylary el.kz redaksıasy mundaı aksıalary áli de ótkizip turýǵa daıyn ekenin aıtty.

Al 100esim.el.kz saıtynda ótinishterdi qabyldaý qyrkúıek aıynyń 15-ine deıin jalǵasatynyn eskertemiz. «Qazaqstannyń 100 jańa esimi» jobasyna laıyq azamattar sizdiń arańyzda da bolýy múmkin, sondyqtan ótinish berýge asyǵyńyzdar.