Qaıǵyly oqıǵa 30 tamyz kúni Aqtaý qalasynyń 4A yqshamaýdanynda Kaspıı jaǵalaýynda oryn alǵan dep habarlaıdy Qamshy.kz aqparat agenttigi Lada.kz-ke silteme berip.
Kýágerlerdiń aıtýy boıynsha, qutqarýshylar soldattyń denesin sýdan shyǵarǵan. Jas jigit teńiz jaǵalaýynda joldastarymen birge demalyp júrgen. Belgili bolǵandaı, marqumnyń denesi jaǵalaýdan 3 metr qashyqtyqta tastarǵa ilinip qalǵan.
Oqıǵa ornyna birden kelip jetken jedel járdem qyzmetkerleri áskerı qyzmetkerdiń kóz jumǵanyn aıtqan. Polısıa málimetinshe, 1994 jyly týylǵan jas jigit 6656 áskerı bólimshesinde kelisimshart boıynsha qyzmet ótep júrgen eken. Qazirgi ýaqytta sot medısınalyq saraptamasy júrgizilip jatyr.
Pikir qaldyrý