2017 jyldyń jeltoqsan aıynda «Habar» arnasy «Batyrlar joly» tarıhı kórkem telehıkaıasyn kórsetýdi josparlap jatyr. Qazirgi tańda Almaty qalasynda týyndynyń túsirilim jumystary bastalyp ketti. «Habar» agenttiginiń tapsyrysymen túsirilip jatqan kartınada qazaq batyrlarynyń ómiri men erlikteri sýretteledi.    

Oqıǵa XVII ǵasyrdyń basynda qazaq bıleri men sultandary ózara tartysyp jatqan tusta bastalady. El basqarar bir adamnyń bolmaýy men halyqtyń álsizdiginen qazaq jerine qalmaqtar men oırattar tarapynan shabýyl kóbeıdi. Osy qıyn-qystaý kezeńdegi batyrlardyń batyldyǵy men erligi eldiń rýhyn kóterip tastaıdy. Sonymen qatar kartınada memleket tutastyǵynyń mańyzy, ózara tartystyń sońy jaqsylyqqa alyp barmaıtyndyǵy sóz bolady.  

«Qazirgideı mádenıet jahandanǵan zamanda óz tarıhyńdy, túp-tamyryńdy taný, este saqtaý, sondaı-aq, ata-babamyzdyń osynaý alyp memlekettimizdi qurý jáne qorǵap qalý úshin qalaı kúreskendigin bilý óte mańyzdy. Kórermender bul telehıkaıa arqyly ótkenimizge oralyp, el tarıhynda batyrlardyń qanshalyqty mańyzdy ról atqarǵandyǵyn kóredi. Túsirilim jumystary bastalǵanǵa deıin kóptegen zertteý jumystary júrgizilip, tyńǵylyqty daıyndyq jasaldy. Bizdiń shyǵarmashylyq top qazaqstandyq kıno salasynda óz ornyn tabatyn kartına túsiredi degen oıdamyz», – dedi «Habar» agenttigi basqarmasynyń tóraıymy Almagúl Ahmetjanova.

Týyndyǵa kóptegen tóbeles sahnalaryn somdaǵan belgili qazaqstandyq kaskaderler qatysady. Sol zamandy shynaıy kórsetý úshin arnaıy dekorasıa daıyndalǵan.                  

Shyǵarmashylyq ujym:

Qoıýshy -rejıssór – Asqar Uzabaev

Qoıýshy-operator – Erkinbek Ptyralıev

Qoıýshy-kaskadór – Jaıdarbek Kúngújınov

Atqarýshy prodúser – Rınat Safarov

Negizgi akterlik quram:

Qarasaı – Nazar Sultanbaev

Aǵyntaı – Áshim Ahmetov

Taımas – Jandos Aıbasov

Altynaı – Erjan Nurymbet

Esim han – Aldabek Shalbaev

Qaýmen – Aıdos Bektemirov

Bıbigúl – Móldir Mekenbaı

Beren – Bolat Uzaqov

İlesbek – Dýlyga Aqmolda

Imankul – Bahodýr Djalmetov

Sondaı-aq, osy jyldyń sońyna deıin «Habar» arnasy birneshe jańa telejobalardy efırge usynady. Olardyń arasynda drama, komedıa, detektıv jáne otbasylyq týyndylar bar.