«AQSH-tyń basshylyǵymen amerıkalyq At-Tanf bazasynda daıyndyq jasaıtyn sodyrlar «Islam memleketteri» terorıstik tobyna deldal arqyly qarý-jaraq satady», – dep málimdedi sırıalyq sektordyń qaýipsizdik qyzmetiniń burynǵy basshysy Muhammed Assalam. Bul týraly Qamshy.kz aqparat agenttigi Rıa novostı saıtyna silteme jasap habarlaıdy.

«IM terorıstik tobyna qarý-jaraq astyrtyn satylǵan. Bul aqparatty bilgennen soń birden amerıkalyqtarǵa habar berdik. Alaıda olar ózderi saılaǵan komandırlerin odan saıyn qoldaı tústi («Magavır Es-Saýra» tobynyń qolbasshysy Mýgannat Attalá). Olar amerıkalyq qarý-jaraqtardy satty, onyń ishinde áskerı kólikter, M-16 vıntovkalary boldy. Amerıkalyqtardyń sońǵy revızıasynan keıin 4,7 myń vıntovkalar jetispeıtindigi belgili boldy», – deıdi Assalam.

Agenttik deldalynyń aıtýynsha, At-Tanf tobynyń quramynda IM terrorısterimen soǵysqa shyǵýǵa daıyn turǵan sırıalyq azamattar bar. Alaıda Mýgannat Attalá sekildi Sırıa áskerine qarsy kúsh jumyldyryp otyrǵandar da jeterlik.

«Amerıkalyq áskerıler ózderiniń kúshterin IM tobyna qarsy jumyldyrylǵandyǵyn aıtyp, sırıalyqtardy SAR armıasyna qarsy kúreske shaqyrǵan bolatyn. Sol sebepti de, Deır-ez-Zor tobynan shyqqandardyń kóbisin Shaddadı bazasyna IM terorıstik tobyna qarsy soǵysqa jibergen», – dep qosa aıtyp ótti Assalam.