Tamyzdyń 16-22 kúnderi aralyǵynda Mońǵolıanyń astanasy Ulanbatyrda Dúnıejúzilik 37-shi poezıa quryltaıy bolyp ótti dep habarlaıdy Qamshy.kz aqparat agenttigi.

«Tabıǵattyń aqyl-oıy jáne adamdardyń jan tabıǵaty» degen taqyryp aıasynda ótken bul quryltaı men poezıa festıvalin Álemdik Óner jáne mádenıet akademıasy men Mońǵolıa Jazýshylar odaǵy birlesip ótkizdi. Aıtýly sharada 40-tan astam eldiń 300-ge jýyq aqyndary bas qosty. Qazaqstannan barǵan bir top aqynymyz quryltaıdan oljaly oraldy.

Ulyqbek Esdáýlet Álemdik Óner jáne mádenıet akademıasynyń akademıgi atanyp, akademıanyń altyn medalimen marapattaldy.

Qasymhan Begmanov akademıanyń gýmanıtarıa doktory atandy.

Ǵalym Qalıbekuly Álemdik Óner jáne mádenıet akademıasynyń akademıgi atanyp, Mońǵolıa Jazýshylar odaǵynyń «Altyn qalam» syılyǵymen marapattaldy.

Qazybek Isa Álemdik Óner jáne mádenıet akademıasynyń akademıgi atandy.

Júkel Hamaı Mońǵol-Qazaq ádebıetine sińirgen eńbegi úshin «Altyn pegas» syılyǵyn jáne Taıvan eliniń «Altyn tyrna» júldesin ıelendi.