Qazaqstan Respýblıkasynyń Densaýlyq saqtaý mınıstrligi, oblystar, Astana men Almaty qalalarynyń jergilikti atqarýshy organdarynyń, sondaı-aq, qoǵam ókilderiniń usynysy boıynsha kepildendirilgen tegin medısınalyq kómek kórsetý aıasynda balalardy mindetti vaksınasıalaý máselelesi qaralyp, zerttelý ústinde dep jazady Qamshy.kz aqparat agenttigi.

Turǵyndardyń sanıtarlyq-epıdemıologıalyq saýlyǵy salasyndaǵy ýákiletti organ jáne onyń óńirlik organdary tarapynan vaksınasıadan bas tartý sebepteri men dınamıkasyna monıtorıń júrgiziledi.

Sońǵy jyldary respýblıkamyzda, onyń ishinde elimizdiń batys aımaqtarynda dinı kózqarasy boıynsha vaksınasıalaýdan bas tartý máselesi ózekti kúıinde qalyp otyr. Atalǵan aımaqtarda bul kórsetkish 80%-dy quraıdy.

Dinı kózqarasy boıynsha ekpeden bas tartý Atyraý oblysynda – 88,9%, Aqtóbe oblysynda – 87,9%, Batys Qazaqstanda oblysynda – 89,3% quraıdy. Dinı kózqarasy boıynsha bas tartýdyń joǵary kórsetkishi Ońtústik Qazaqstanda da baıqalady (71,3%).

2016 jyly Qazaqstan Respýblıkasynda  profılaktıkalyq ekpeden bas tartý tirkeldi. 2015 jylmen salystyrǵanda bas tartqandar sany 13,4% (8383) óskendigi kórsetiledi.

Bas tartýdyń negizgi sebepteri 45% (4360) jeke másele boıynsha, 42,9% (4151) dinı kózqarasy boıynsha bas tartsa, al 6,2% (600) buqaralyq aqparat quraldarynda jarıalanǵan jaǵymsyz aqparttyń saldarynan ekpeden bas tartqan. Turǵyndardyń 6,1% (589) vaksınaǵa senimsizdik bildiredi.

Qazaqstan Respýblıkasy Densaýlyq saqtaý mınıstrliginiń aqparaty boıynsha vaksınadan bas tartý sanynyń ósýi vaksınalyq basqarýǵa bolatyn ınfeksıaǵa beıim kontıgenttiń bolýyna ákep soǵady. Bul olar aýyrǵan jaǵdaıda múgedektik nemese adam ólimine deıin aýyr asqynýlarǵa ákeledi.

Qazaqstan Respýblıkasy Konstıtýsıasynyń 31-babyna sáıkes memleket adamnyń densaýlyǵy men ómiri úshin jaǵdaı jasaý, qorshaǵan ortany qorǵaýdy maqsat etip qoıady.

Qazaqstan Respýblıkasy Konstıtýsıasynyń 39-babyna sáıkes adamnyń jáne azamattyń quqyqtary men bostandyqtary turǵyndardyń densaýlyǵyn qorǵaý maqsatynda qajetti deńgeıde zańmen shektelýi múmkin.

Qazirgi ýaqytta zań jobasy aıasynda qarastyrylyp otyrǵan mindetti vaksınasıalaýdy engizý máselesi talqylaný ústinde.