Keshe keshkisin Astana EXPO-2017 kórmesiniń aýmaǵynda keýdeni jerden kóterýden KInES Qazaqstan rekordtar kitabynyń bes dúrkin rekordsmeni jáne "planka" ustaýdan álem rekordsmeni ataǵynyń ıegeri Amır Maxmet shyny bótelkelerde keýdesin jerden 53 márte kóterip, jańa álemdik rekord ornatty dep habarlaıdy Qamshy.kz aqparat agenttigi EKSPO-2017 kórmesiniń medıa-ortalyǵyna silteme jasap.

Bir atap óterligi, bul jattyǵý oryndalý jaǵynan asa kúrdeli bolyp tabylady. Sebebi sportshy keýdeni jerden kóterý barysynda óz denesi men shyny bótelkelerdiń arasyndaǵy tepe-teńdikti múltiksiz ustap turýy qajet.

Atalǵan rekord Qazaqstan rekordtar kitabynyń ókili Shyńǵys Qýandyquly Qudaıbergenovtyń tarapynan resmı túrde tirkeldi.

Óz rekordyn Amır 1-qyrkúıek – Bilim kúnine arnaı otyryp, qazaqstandyq barlyq oqýshylarǵa sabaqtaryn tek úzdik oqyp, salaýatty ómir saltyn ustanýǵa shaqyrady.

P.S.: Amır tanymal balýan Qajymuqan Muńaıtpasulynyń týǵan jeri Aqmola oblysy, Selınograd aýdanyna qarasty Qajymuqan aýylynda turady jáne jergilikti mektepte bilim alýda.