QR Din isteri jáne azamattyq qoǵam mınıstri Nurlan Ermekbaev barsha qazaqstandyqtardy qasıetti Qurban aıt merekesimen quttyqtady dep habarlaıdy Qamshy.kz aqparat agenttigi Din isteri jáne azamattyq qoǵam mınıstrliginiń baspasóz qyzmetine silteme jasaı otyryp.

"Qurmetti qazaqstandyqtar! 

Barshalaryńyzdy Qurban aıt merekesimen quttyqtaımyn!

Búgingi tańda Qurban aıt meıramyn toılaýdyń ulttyq erekshelikterimizge saı formaty qalyptasyp, osynaý qasterli mereke Qazaqstan halqynyń birligin, konfesıalar arasyndaǵy ózara túsinistikti nyǵaıtýǵa yqpal etip keledi.

Kópkonfessıaly elimizde ózara tatýlyq pen qaırymdylyqtyń kórinisi bolǵan bul mereke, tek musylmandarǵa ǵana emes, barlyq adamzat balasyna qaıyrymdylyq jasaýǵa shaqyrady.

Jaǵdaıy jetkenderdiń qurban shalyp, onyń etin turmysy tómenderge taratýy – halqymyz arasynda aýyzbirshilik pen tatýlyqtyń, adamdardyń áleýmettik jaǵdaıyna qaramastan bir-birlerimen qushaq jaıa aralasýyna múmkindik týǵyzady.

Qurban Aıt kúnderinde adamdar bir-birin quttyqtap, bir-biriniń úıinen dastarqannan dám tatady, bul kúni ádette musylmannyń úıinde dastarqan jaıylady.

Adam balasynyń baqytty, tynysh ómirin tek materıaldy ıgilikter ǵana quramaıdy. Baıandy baqytqa jetýde rýhanı negizderdiń mańyzdy oryn alatyny sózsiz.

Dástúrli dinimizdiń jasampaz áleýeti rýhanı-ónegelik qundylyqtardy damytýǵa jáne otansúıgishtik rýhyna negizdele otyryp, qoǵamdaǵy tatýlyq pen konfesıaaralyq kelisimdi órkendetýge odan ári qyzmet ete beredi dep senemin.

Búgingi Qurban aıt merekesi rýhanı serpilisimizge sebepker bolyp, árbir shańyraqqa qut-bereke ákelsin.

Barsha qazaqstandyqtarǵa zor densaýlyq, bereke, baqyt jáne mol tabys tileımin! Aıt qabyl bolsyn!" – deıdi mınıstr Nurlan Ermekbaev.