Almaty qalasynda Alash pride pen ACB tujyrymynyń jekpe-jekten birlese ótkizetin dodasynyń basty kezdesýinde synǵa túsetin brazılıalyq Tágo Sılva Almatyǵa kele jatyr. Bul týraly Qamshy.kz aqparat agenttigi vesti.kz málimetine súıenip habarlaıdy.

Manchinha laqap atymen tanylǵan sportshy óz sózinde «Biz ózge shaıqasqa bara jatyrmyz. Biz elimiz, otbasymyz, komandamyz úshin aıanyp qalmaımyz. Keremet shaıqas kórsetemiz», – deıdi Sılva.

Tágo Lýıs Bonıfasıo Sılva (12-5-0) brazılıalyq djý-djıtsýdan qara belbeý ıegeri, sońǵy kezdesýin 28 mamyr kúni ótkizip, otandasy Fılıpe Jezýshty qylqyndyrý ádisimen utyp, Shooto Brasil belbeýin jeńip alǵan.

Al Arman «Suńqar» Ospanov 8 kezdesý ótkizip, 7 kezdesýin ýaqytynan buryn aıaqtasa, bireýin qylqyndyrý ádisimen utqan. Otandasymyz sońǵy kezdesýin 2017 jyldyń 20 mamyrynda ACB-61 týrnırinde ótkizip, japon jigiti Taıchı Nakaıamany nokaýtpen jeńgen bolatyn.

Esterińizge sala keteıik, ASV-69 týrnıri «Almaty Arena» sport kesheninde ótedi. Keshtiń basty jekpe-jeginde Arman Ospanov brazılıalyq Tágo Lýıs Bonıfasıomen judyryqtasady. Odan bólek bul keshte Qarshyǵa Daýtbek, Asý Almabaev, Baqytjan Nesipbek, Evgenıı Egemberdıev, Asyljan Baqytjanuly sekildi otandastarymyz segizburyshqa shyǵady.