Sheshenstan basshysy Ramzan Qadyrov Bangladeshpen shekaralas Rakhaın shtatynyń lagerlerinde qonystanǵan bosqyndardyń jumadan bastap azyq-túlik alatynyn, al qazannyń basynda kıimder jiberiletinin habarlady, dep jazady Qamshy.kz aqparat agenttigi.

Ahmat-Qajy Qadyrov atyndaǵy aımaqtyq qoǵamdyq qory Mánmaǵa gýmanıtarlyq kómek jiberýdi bastady. Bul týraly Ramzan Qadyrov óziniń Instagramdaǵy paraqshasynda habarlady. Basyshynyń aıtýynsha, qazannyń basynda 15 myń adamǵa kómek kóretiledi.

«Búgin meniń ókilim Zıad Sabsabı Bangladesh pen Mánma shekarasynan  10 shaqyrym qashyqtyqta ornalasqan apatty lagerdi aralap qaıtty. Lagerdi búginde 160 myń adam panalaıdy. Erteńnen bstap Qadyrov qory kómek jiberedi. Qazannyń alǵashyq kúnderinde 10 myń bala men, 5 myńǵa jýyq eresek adamdar jańa kıimderge ıe bolady», – dep jazdy Qadyrov 7 qyrkúıek kúni.

«Rohındjaǵa soǵys kerek emes, olar beıbitshilikti qalyptastyratyn saıasatqa zárý. Qosymsha mıtıńilerdiń de qajeti joq. Reseıdegi mıllıondaǵan adamnyń sherýi búkil dúnıe júziniń kózin ashty. Bári alańdaýshylyq týdyryp oty», – dep jazdy óziniń paraqshasyna.

Eske sala keteıik, Mánma bıligi eldi musylmandardan tazalaý operasıasyn júrgizýde. Resmı derekterge súıensek, búginde 400-den astam adamnyń ómiri qıyldy.