Astana qalasynyń basshylyǵy QR-daǵy BAÁ Tótenshe jáne Ókiletti elshisi jáne «Arabtec Holding PJSC» kompanıasynyń basshylyǵymen («Abý-Dabı Plaza» kesheniniń bas merdigeri) kezdesti dep habarlaıdy Qamshy.kz aqparat agenttigi Astana qalasy ákimdiginiń baspasóz qyzmetine silteme jasap.
Kezdesý 2017 jyldyń 2 qyrkúıek kúni «Abý-dabı Plaza» qurylys alańyndaǵy baqylaý-ótkizý pýnktinde oryn alǵan jaǵdaıǵa qatysty boldy. «Arabtec Holding PJSC» kompanıasynyń basshylyǵy aldaǵy kúnderi 61 sheteldik jumysshy (Úndistan azamattary) «Abý-Dabı plaza»qurylys alańynda tártip pen qoǵamdyq jaǵdaıdy buzǵany úshin elden shyǵarylady, onyń ishinde 23 adam bir táýlikte otanyna oralady dep habarlady.
Áńgime barysynda qala basshylyǵy mundaı jaǵdaıdyń qaıtalanbaýyn eskertti jáne sheteldikterden Qazaqstan Respýblıkasynyń Zańyna baǵynyp, moraldyq-ádep tártibi normalaryn saqtaýdy, sondaı-aq Qazaqstan halqynyń saltyna syılastyqpen qaraýdy talap etti.
