Orta salmaq boıynsha bokstan álem chempıony Gennadıı Golovkın Saýl Alvarespen bolatyn jekpe-jek aldyndaǵy mindetti salmaq ólsheý rásimin sátti túrde ótkizdi, dep habarlaıdy Qamshy.kz aqparat agenttigi Vesti.kz saıtyna silteme jasap.

Álemdik boks chempıonatynyń erejelerine sáıkes, salmaq ólsheý rásimi jekpe-jekke bir aı jáne bir apty qalǵanda ótkizilýi tıis. Maksımaldy shkalasy 168 fýnt (76,2 keli) bolýy tıis, al qazaqstandyq boksshynyń salmaǵy 164 fýntty (74,6 kel) kórsetti.

Bir aı buryn ótkizilgen salmaq ólsheý rásiminde de Gennadıı Golovkın 170 fýnt (77,1 keli) bolǵan.

Aıta keter bolsaq, meksıkalyq boksshy Saýl Alvares mindetti salmaq ólsheýden bosatylǵan. Ol uıymdastyrýshylarmen aradaǵy keleńsizdikten saldarynan bul tıtýlǵa úmitker bolýdan bas tartypty.

Esterińizge sala ketsek, Golovkın-Alvares jekpe-jegi 16 qyrkúıekte Las-Vegasta ótedi. 20 myń halyq syıatyn T-Mobile arenasynda ótkiziletin jekpe-jekti kópshilik taǵatsyzdana kútýde.