Qazaqstan Prezıdenti «Ulttyq ǵylymı kardıohırýrgıa ortalyǵy» aksıonerlik qoǵamy basqarmasynyń tóraǵasy Iýrıı Pány qabyldady, dep habarlaıdy Qamshy.kz aqparat agenttigi Aqordanyń baspasóz qyzmetine silteme jasap.

Kezdesý barysynda Memleket basshysy Astanada ótken Dúnıejúzilik júrek-qan tamyrlary jáne torakaldy hırýrgter qaýymdastyǵy 27-shi kongresiniń otandyq medısınany damytýdaǵy mańyzy erekshe bolǵanyn atap ótti.

- Qazaqstanda alǵash ret búkil álem kardıohırýrgtarynyń kongresi uıymdastyryldy. Bul otandyq hırýrgıa jetistikteriniń álemdik deńgeıde moıyndalyp otyrǵanyn bildiredi, - dedi Elbasy.

Iýrıı Pá Nursultan Nazarbaevqa myńnan astam sheteldik delegattar qatysqan kongrestiń qorytyndylary týraly baıandady.

«Ulttyq ǵylymı kardıohırýrgıa ortalyǵy» aksıonerlik qoǵamy basqarmasy tóraǵasynyń málimeti boıynsha, Dúnıejúzilik qaýymdastyqtyń atqarýshy komıteti bul kongresti eń úzdik basqosýlardyń biri dep baǵalaǵan.

Sońynda Qazaqstan Prezıdenti Iýrıı Páǵa aldaǵy jumysta tabys pen jańa jetistikter tiledi.