Balǵyn Qaıyrbek degen esim «Qamshy» oqyrmandaryna jaqsy tanys. Qytaıdyń Shyńjań ólkesindegi úzdik otyz jas ánshiniń qataryna kirgen, 2010 jyly Pekındegi án baıqaýynda altyn medalmen marapattalǵan, talantty ánshi «Qamshy» uıymdastyrǵan «Qazaq daýysy» baıqaýynyń qatysýshysy.

«Qamshy.kz» tilshisi áleýmettik jelide «Oıǵyrym» degen atpen taralyp ketken ánniń Balǵyn Qaıyrbektiń «Mekenim» ániniń áýeninen urlanǵanyn baıqady. Monǵolıadaǵy belgisiz bir ánshi «Oıǵyrym» dep aıtyp júrgen án jas ánshi Balǵyn Qaıyrbektiń İle, Tarbaǵataı, Altaı aımaqtaryna arnalǵan ániniń dál kóshirmesi. Balǵyn Qaıyrbek – Qytaıdaǵy etnıkalyq qazaqtar arasynda ǵana emes alys-jaqyn shetelderge tanymal jas juldyz. Jomarttyǵymen aty shyqqan Sholaquly Baspaı baı ótken óńirde týǵan jigit týǵan jerge jıi án arnaıdy. «Mekenim» ánshiniń sondaı ánderiniń biri. 

«Oıǵyrym» dep atalǵan ánniń oryndaýshysyna «Qamshy.kz» tilshisi Erlan Tóleýbaı izdeý salady.