Búgin Almaty qalasyndaǵy Dostyq úıinde Elbasynyń «Bolashaqqa baǵdar: Rýhanı jańǵyrý» baǵdarlamalyq maqalasyn júzege asyrý aıasynda «Qazaq tiliniń latyn álipbıine ótý erekshelikteri» taqyrybynda dóńgelek ústel bolyp ótti, dep habarlaıdy Qamshy.kz aqparat agenttigi.

Atalmysh is-sharaǵa Qazaqstan halqy Assambleıasynyń tóraǵa orynbasary Hamedov Ábilfas, Tilderdi damytý basqarmasynyń jetekshisi Mamaı Ahmetov, Almaty qalasy Qazaqstan halqy Assambleıasy tóraǵasynyń orynbasary Qazbek Mamsýrov jáne de Almaty qalasy etnomádenı birlestikteriniń jetekshileri men belsendi músheleri, jastar jáne de basqalar qatysyp, latyn álipbıine qatysty ózindik pikirlerin aıtyp ótti.

Fılosofıa ǵylymdarynyń doktory Qazaqbaı Qasymov qazaq tili latyn álipbıine kóshedi emes, oralady dep aıtý kerektigin atap ótti.

«Búginde biz latyn álipbıine kóshý dep aıtamyz. «Kóshý» emes, latyn álipbıine oralý degen durys dep oılaımyn. Sebebi, elimizde birneshe jyldar boıy latyn álipbıi qoldanylyp kelgen. Ulttyq zorlyqpen kelip zulymdyqty jaılatqan qyzyl ımperıa ulttyq qundylyqtarymyzǵa tarshylyq jasap, 1940 jyly 13 qarashada latyn álipbıin orys tiline kóshirýge qaýly shyǵardy.

Qazirgi kezde mektep oqýshylary úshin, jastar úshin latyn álipbıin úırený qıyndyq týdyrmaıdy. Latyn álipbıine oralý biz úshin ekonomıkalyq, saıası, mádenıet jaǵynan oń ózgerister alyp kelip, táýelsiz elimizdiń bedelin odan saıyn arttyra túsedi», - deıdi Qazaqbaı Qasymov.

Elbasy «Bolashaqqa baǵdar: Rýhanı jańǵyrý» baǵdarlamalyq maqalasynda eń mańyzdy basymdyq retinde qazaq tiliniń latyn álipbıine kezeń-kezeńmen ótýdi anyqtady. Bul jaıynda Tilderdi damý basqarmasynyń jetekshisi  memlekettiń rýhanı-mádenı damýyndaǵy asa mańyzdy kezeń Ahmetov Mamaı muny memlekettiń rýhanı-mádenı damýyndaǵy asa mańyzdy kezeń ekendigin atap ótti.

«Biz bul máselege jalpy memleket retinde júz oılanyp, myń tolǵanyp kelgenimiz barshańyzǵa málim. Táýelsiz el bolǵannan soń birneshe jyldar boıy bul másele túrli mamandardyń, qoǵamdyq uıymdardyń talqylaýynan, saraptaýynan ótti. Bul qadamǵa biz úlken daıyndyqpen kelip otyrmyz.

Búgingi tańda latyn grafıkasyna kóshýge qoǵam daıyn. Bul ýaqytqa deıin latyn álipbıine kóshken túrki halyqtarynyń tájirıbelerin eskere otyryp, osyndaı sheshim qabyldanyp otyr.

Búgingi tańda saǵat saıyn, sát saıyn elektrondy quraldar jańǵyrý ústinde. Sol sebepti de, ýaqyttyń talabyna, aqparat yq zamannyń talaptaryna jaýap berip, saı bolý qajet. Odan bólek qoǵam talabyna da sáıkes bolý úshin búkil halyq bolyp, el bolyp latyn álipbıine kóshýdi qoldap otyrmyz», - dep aıtyp ótti Mamaı Ahmetov.

Sonymen qatar, Tilderdi damytý basqarmasynyń jetekshisi latyn álipbıi – búgingi tańda kún tártibine qoıylyp otyrǵan aldaǵy qatarly máselelerdiń biri ekendigin basa aıtyp ótti.

«Búginde biz qoǵamdaǵy negizgi másele – latyn álipbıine kóshý máselesin talqylap otyrmyz. Bul bastama qoǵam tarapynan jáne de túrli mádenı ortalyqtar jan-jaqty tarapynan qoldaý tapty. Latyn álipbıine kóshý úderisi – dál merziminde jasalyp jatqan shara dep aıtýǵa ábden bolady», - deıdi Mamaı Ahmetov.