2017 jyldyń 14 qyrkúıeginde, saǵat 18.00-de Qala kúni merekesine jáne «Alataý» dástúrli óner teatrynyń» qurylǵanyna bir jyl tolýyna oraı «Alataý alabynda» atty dástúrli óner keshi ótedi,- dep habarlaıdy Qamshy.kz aqparat agenttigi.
Elbasy Nursultan Ábishuly Nazarbaevtyń izgi bastamasymen, Almaty qalasynyń ákimi Baýyrjan Qydyrǵalıuly Baıbektiń qoldaýymen qurylǵan teatr – san ǵasyrlar boıy attyń beli, atannyń qomynda júrip Egemendikti ańsaǵan asyl babalarymyzdyń, baıyrǵy óner ıeleriniń arman-ańsaryn arqalaǵan elimizdegi alǵashqy óner ordasy. Sonymen qatar, Qazaqstannyń barlyq aımaqtaryna tán dástúrli óner túrlerin bir arnaǵa toǵystyryp, zamanaýı úrdisterge saı damyta nasıhattaıtyn, ulttyq ónerdiń bolashaǵyn zerdeleýge baǵyttalǵan ázirge jalǵyz mádenıet oshaǵy.
Atalǵan merekelik is-sharaǵa qazaq dástúrli óneriniń has sheberleri: Sáýle Janpeıisova, Jáken Omarov, Erkin Shúkimanov, Ramazan Stamǵazıev, Aıgúl Úlkenbaeva, Uljan Baıbosynova, Batyrjan Myqtybaev, Aıgúl Qosanova, Saıan Aqmolda, Erbol Aıtbaev, Janǵalı Júzbaev, Elmıra Jańabergenova, Qaırat Kákimov, Talǵat Muqyshev, Ardaq Isataeva, Tileýles Qurmanǵalıev, Gúlmıra Sarına, Nurken Áshirov, Klara Tólenbaeva syndy sahna maıtalmandary qatysady.
Qala kúni merekesi aıasynda ótip jatqan teatrdyń merekelik keshine dástúrli óner ıeleriniń qatysýy, elimizdiń ár túkpirinen kelip Almaty Alabynda jınalýy – ulttyq ónerge degen qurmet, sol ónerdiń nasıhaty úshin arnaıy teatr ashylýyna yqpal etken Elbasyna kórsetilgen iltıpat dep bilemiz.
Sondaı-aq, saǵat 11.00-de Qazaqstannyń ár aımaǵynan jınalǵan ónerpazdar men «Alataý» dástúrli óner teatry» arasynda yntymaqtastyq kelisim – Memorandým ótkiziledi.
Ótetin orny: «Alataý» dástúrli óner teatry
Baılanys tel.: 8707-838-36-34, 8707-313-91-63
