Shymkentte polısıa qyzmetkerleri 10 jastaǵy Núrken Quralbekti izdestirip jatyr. Ol kómekshi mektep-ınternatta oqyǵan eken. 12 qyrkúıekte belgisiz baǵytqa shyǵyp ketip, sol kúıi qaıta oralmaǵan dep habarlaıdy Qamshy.kz aqparat agenttigi OQO İİD baspasóz qyzmetine silteme jasap.
Núrkendi izdep polıseılerge ákesi aryzdanyp kelgen. Aıtýynsha, balasynyń júıke júıesi buzylǵan eken. Ol baıaý jáne túsiniksiz sóıleıdi. Boıy 133 sm, aryq deneli, qara shashty. Ústinde qara tústi sporttyq kostúm bolǵan. Aıaǵyndaǵy aıaq kıimi de qara tústi.
Qazirgi tańda shymkenttik polıseıler shuǵyl izdeý jumystaryn júrgizip jatyr. Tártip saqshylary eger jetkinshekti kórgen-bilgender bolsa «102» telefon nomerine habarlasýyn suraıdy.
