Pende óle me, artyna qaraı-qaraı?
Ne aıtty onda ońasha Abaıǵa – Abaı?
Barlyq pende - óledi, ol aqıqat,
Al, «tabıǵat ólgeni» - qalaı, qalaı?

Pende – kónip, tabıǵat - kónbeıtindeı,
Adam kórip, tabıǵat - kórmeıtindeı.
Al, bizdińshe, adamdar – ólgenimen,
Eshqashan da «tabıǵat» - ólmeıtindeı.

Tabıǵatty – pendeler tonady ma,
Ólgen jandy tabıǵat orady ma?..
Al, bizdińshe, «tabǵat» - máńgilik te,
Pende – ómirdiń ýaqytsha qonaǵy ma?

Jandy – durys tanýǵa talap bar ma?
Qatelikten - alynar sabaq bar ma?
Uly Abaıdyń sondaǵy «adam ólmes»-
Degenine ómirde jaýap bar ma?

Tartyp alatyn da adam – bermesińe,
Qoımaıtyn da sol pende, senbesińe.
Óletini Adamnyń - ol aqıqat,
Onda Abaıdyń bul jerde «ólmesi»- ne?

Ándi kútken sıaqty, «mándi» kútpeı,
Osy arada, bizdińshe, «bar kúdikteı»?..
Pende ataýly – Jalǵannyń qonaǵy da,
Al, bizdińshe, «tabıǵat» - máńgilikteı.

Taǵdyr saldy, árıne, kóndigemin,
Uly Abaıdy, men qalaı «kóndiremin»?
Sonshalyqty Abaımen talasatyn,
Deımin taǵy: «bul jerde men kim?»-edim?

Bul tirlikte qanshama synaqtar bar,
Uǵatyn da, uqpaıtyn «shyraqtar» bar,
Abaı ǵana jaýabyn bere alatyn,
Bul Ómirde qanshama Suraqtar bar?..

Oı degen de – syńsyǵan orman eken,
Adasqanǵa – «sol» menen «oń» da bóten.
«Ólse, óler, tabıǵat, adam ólmes!..»
Degende Abaı, ne aıtpaq bolǵan eken?..

Jumash Kenebaı