Astana qalasy ardagerler keńesiniń tóraǵasy Sansyzbaı Esilov te qazaq álipbıiniń latyn grafıkasyna kóshýin qoldady. Ardagerler sózinshe, mańyzdy oqıǵa Qazaqstannyń alǵa qadam basýyna, Eýropaǵa jáne ǵalamtordyń dúnıejúzilik jelisine jol ashady. Bul týraly Qamshy.kz aqparat agenttigi Astana qalasy ákimdiginiń baspasóz qyzmeti málimetine súıenip habarlaıdy.

- Men bul el tarıhy úshin mańyzdy oqıǵa dep sanaımyn. Latyn álipbıine kóshý el azamattaryna bir qadam alǵa basýyna múmkindik beredi. Adamdar shetelde júrip erkin baǵyt-baǵdar taba alady. Muny biz erterek, júzege asyrsaq, soǵurlym ol biz úshin jaqsy bolady, - dep ardager óz pikirin bildirdi.

Sansyzbaı Esilov Prezıdenttiń bul bastamasyn tolyǵymen qoldaıdy. 
- Sózsiz, men Elbasyny qoldaımyn  Bizderge, ardagerlerge jańa álipbıdi úırený qıyn bolady. Biraq biz meńgerýge tyrysamyz. Óıtkeni bul memleket ıgiligi úshin asa qajet, - deıdi ol. 

Esterińizge salamyz, aǵymdaǵy jyldyń sáýir aıynda memleket basshysy Nursultan Nazarbaev 2017 jyldyń sońyna deıin Qazaqstanda qazaq álipbıiniń latynǵa kóshýi boıynsha jobasyn qurýdy tapsyrdy. Orys tilinde shyǵatyn basylymdar kırıllısada jaryqqa shyǵa beredi.