Din isteri jáne azamattyq qoǵam mınıstrligi sarapshylarmen birge jastarǵa arnalǵan áleýmettik lıftiler júıesin talqylady, dep habarlaıdy Qamshy.kz aqparat agenttigi QR Din isteri jáne azamattyq qoǵam mınıstrliginiń baspasóz qyzmetine silteme jasap.

Qazaqstan Respýblıkasy Din isteri jáne azamattyq qoǵam mınıstrligi 2017 jylǵy 12 qyrkúıekte Astana qalasynda Jastar ǵylymı-zertteý ortalyǵynyń bazasynda «Jastarǵa áleýmettik lıftilerdiń júıesi: jaǵdaıy men bolashaǵy» taqyrybynda sarapshylar otyrysyn ótkizdi.

Otyrysqa respýblıkalyq «Jas Otan», «Qazaqstan jastarynyń Kongresi», «Jas ulan» jáne t.b. jastar uıymdarynyń jetekshileri, saıasattanýshylar, ǵylymı-zertteý ınstıtýttarynyń ókilderi, belsendi jastar jáne táýelsiz sarapshylar qatysty.

İs-sharada Memleket Basshysynyń Rýhanı jańǵyrý baǵdarlamasyn júzege asyrý maqsatynda zańnamalyq jáne normatıvtik quqyqtyq aktilerdi qaıta baǵdarlaý úshin «Qazaqstan 2020: bolashaqqa jol» memlekettik jastar saıasatynyń 2020 jylǵa deıingi tujyrymdamasyn iske asyrý jónindegi is-sharalar josparynyń (ekinshi kezeń – 2016 – 2020 jyldar)» jańa jobasy tanystyryldy.

Sarapshylar óz kezeginde atalǵan jospar jobasyna qatysty óz pikirlerimen bólisip, usynystaryn aıtty. 

Sondaı-aq, sharaǵa qatysýshylar jastar arasynda erte kásibı baǵdar berý jumystaryn qolǵa alý, jastardy tehnıkalyq mamandyqtarǵa yntalandyrý, olardyń bos ýaqytyn tıimdi uıymdastyrý, uıymdastyrylmaǵan jastarǵa arnalǵan is-sharalar ótkizý, jastar bastamalaryn qoldaý uıymdarynyń jumystaryn arttyrý jáne táýelsiz sarapshylar pýlyn qurý  máseleleri kóterildi.

Otyrys qorytyndysy boıynsha Qazaqstan Respýblıkasy Din isteri jáne azamattyq qoǵam mınıstri Abzal Núkenov sarapshylardyń usynystary Mınıstrlik tarapynan ázirlenetin strategıalyq qujattardy daıyndaý barysynda eskeriletinin habarlady.

Sonymen qatar, ol aldaǵy ýaqytta ártúrli ótkir máseleler boıynsha sarapshylarmen osyndaı kezdesýler turaqty túrde ótkizilip turatyndyǵyn jetkizdi.