Serik Ahmetov búgin tańerteń bostandyqqa shyqty, - dep habarlaıdy Qamshy.kz aqparat agenttigi Tengrinews.kz saıtyna silteme jasaı otyryp. Qaraǵandy oblysyndaǵy kolonıanyń aldynda BAQ ókilderi jınaldy. Serik Ahmetov kolonıadan shyǵyp, kóligine otyryp, jaqyndarymen birge ketip qaldy.

"Bolashaqqa áli jospar qurmadym. Nemen aınalysatynymdy ýaqyt kórsetedi. Al qazir úıge baramyn", - dep jaýap berdi ol jýrnalıserge.

Aıta keteıik, Serik Ahmetov jazasyn Qaraǵandy oblysyndaǵy Qarabas aýylynda AK159/18 kolonıasynda ótegen bolatyn.

Eske salaıyq, Serik Ahmetov 2014 jyldyń qarashasynda úı qamaýyna alynǵan bolatyn. Sot otyrysy 2015 jyldyń tamyzynda bastalyp, tórt aıǵa jalǵasty. Qylmystyq is 338 tomǵa jetti, onyń 9 tomy aıyptaý aktisi. Jalpy 82 sot otyrysy ótti. İs boıynsha 260 kýágerden jaýap alyndy. Proseske 4 memlekettik aıyptaýshy jáne 42 advokat pen qorǵaýshy qatysty. Qazirgi zańnamaǵa sáıkes, sottyń ádil ótýi úshin otyrystyń ashyq saıasatyn ustaný boıynsha sáıkes sharalar júrgizildi. Al 2015 jyldyń jeltoqsanynda sot ony 10 jylǵa bas bostandyǵynan aıyrǵan bolatyn. Kelgen shyǵyndy ótegennen keıin onyń jazasy 8 jylǵa qysqarǵan.