Qyrkúıektiń 23, 24 kúnderi Almaty qalasynda qolónershiler jáne sýretshilerdiń jármeńkesi ótedi dep habarlaıdy Qamshy.kz aqparat agenttigi. Qolóner jármeńkesi saǵat 10.00-den 18.00-ge deıin  Ǵ. Músrepov atyndaǵy  Qazaq balalar jáne jasóspirimder teatrynyń alańynda jumys isteıdi. Jármeńkege Qazaqstan, Ózbekstan, Qyrǵyzstan jáne Reseıden keletin qolónershiler qatysady.

Onda  etnostılde kıimder, aıaq kıim jáne áshekeıler, kıizden jasalǵan panno jáne qoldan jasalǵan kádesyılar, qazaqı kádesyılar, aǵashtan jáne keramıkadan jasalǵan  ydys-aıaqtar, qazirgi zamanǵa saı kúmis jáne bıserden jasalǵan áshekeıler, qoldan jasalǵan keremet sómkeler men oıynshyqtar, qazaqstandyq agatpen jaslaǵan áshekeıler men tabıǵı tastardan jasalǵan kádesyılar, bas kıimder, sharftar, kıizden jasalǵan aıaq kıimder men kóptegen zattar taba alasyzdar.

Senbi jáne jeksenbi kúnderi jármeńkede "Sheberlik synyptary shatyry" jumys istetıtin bolady.

23 qyrkúıekte saǵat 12.00-den 15.00ge deıin Seva Demıdov master-shoý ótkizedi. Kórermenderge eski qoldanylmaıtyn tıyndardan kórkem buıymdy qalaı jasaýǵa bolatyny kórsetiledi. Sýretshiler  túımeler, saqınalar jasaıdy.

24 qyrkúıek saǵat 12. 00-den 15.00-ge deıin sheberlik synypqa qatysýshylar usta Nýrıa Ahmetovanyń basshylyǵymen óz telefondaryna qaptama jasaýdy úırene alady. 

Onyń baǵasy - 500 tenge.

   23 qyrkúıekte Bolat Sarybaev atyndaǵy «Saryarka» sheberhanasynyń mýzykanttarynyń oryndaýynda qazaq halyq mýzykasynyń qoıylymy bolady.

24 qyrkúıekte saǵat 14.00den 17.00-ge deıin"RASAETHNO" tobynyń mýzykasy oınatylady.Top etnostılde  jumys jasaıdy. Atalmysh top Avstralıı, Japonıa, Soltústik Amerıka, Eýropa, Ortalyq Azıa, Úndistan jáne Batys Afrıka  halyqtarynyń mýzykalyq áýenderin birlestirgen. 

"Aı sheberi " shatyrynda áshekeıler ustasy Rafael Ýzeevpen tanysa alasyzdar. Ol kisiden ózderińizge 925 synamaly kúmisten jáne tabıǵı tastardan jasalǵan syrǵa jáne saqınalar tańdap ala alasyzdar nemese jeke tapsyrys jasaı alasyzdar.