Toqty (21 naýryz – 19 sáýir)

   Bul belgide týylǵan adamdar syrt kózge dostyqqa óte beıim, baýyrmal kórinedi. Kez kelgen ádiletsizdikte bar ynty-shyntysymen shyndyqty izdep, bar bilgenimen bólisip, qyzý talqylaýdyń kórkin keltirýi múmkin. Toqtylar óz oıyn únemi tike aıtady. Óz qajettiligin birinshi orynǵa qoıady jáne oıynyń bári sol kózdegeni bolady, ol kezde aınalasyndaǵylardy múlde oılamaıdy. Óziniń bireýge yńǵaısyz jaǵdaı týǵyzyp, renjitip alatyny jaıly oılamaıdy, ony sezinbeıdi de. Ol bóten oısyz, tabıǵatyna tán bol-ǵandyqtan, Toqtylarǵa renjýdiń de qajeti joq. Bul adamdarda qataldyq degen múlde bolmaıdy. Aınalasynda bolyp jatqan qubylystyń bárine shyn júregimen senedi, óz jaǵdaıyn da jasyryp qalmaıdy. Shaǵymdanǵandy jany súıedi. Óz isinde eshqashan jospar quryp, strategıa jasamaı, maqsatyna tike bet alady. Bul belgide týylǵan adamdar kóz jasyn eshkimge kórsetpeýge tyrysady. Qyzmettik salasynda kóp tabystarǵa qol jetkizedi. Toqtylardan shydam men ádeptilikti az kóresiz, tipti múlde shydamsyz dese de bolady. Salmaqty bolýǵa tyrysqanmen, jas kezinde ol múmkin bolmaıdy. Ashyqtyq pen adaldyǵy sıaqty jaqsy qasıetterin alǵa tartqanmen, turaqtylyq jáne jaýapkershilik qasıetteriniń kemshiligi kózge uryp turady. Tis aýrýynan qatty qorqady, tis dárigerine bas suqpaı ótýge daıyn. Toqtylardyń basym bóligi tolyq bop keledi. Aıtarlyqtaı aýrý bolmasa, ózderin jaǵymsyz sezinip turǵannyń ózinde jatyp, demala qoımaıdy.

Torpaq (20 sáýir – 20 mamyr)

   Bir top adamnyń arasynan kóp sóılemeıtin adam kórseńiz, ol – Torpaq. Onymen jaqyn aralaspaıynsha, sózge shorqaq adam dep oılaýyńyz múmkin. Óte salmaqty, kóp nársege bylq ete qoımaıdy. Sırek ashýlanady, ózine eshkimniń jónsiz janasqanyn qalamaıdy. Qazbalaı berseńiz, tym qatty ashýlanýy múmkin. Ashýlanǵanda, jolyna kezikkendi qıratýy múmkin. Bir jaqsysy, bul – óte sırek bolatyn jaıt. Óte tartymdy bolady. Súıgenin qyzǵanyp, artynan ańdý degendi bilmeıdi. Torpaq qonaqqa barǵannan góri, dastarhanǵa baryn qoıyp, qonaq kútkendi qalaıdy. Tanymaldylyqqa umtylmaıdy. Mahabbatta da, dostyqta da araqatynasty úzbeı, ár qadamdy qalaı jasaý kerektigin jetik biledi. Óte turaqty. Qubylysty sol qalpy qabyldaýǵa daıyn. Úı sharýashylyǵyna óte beıim, óz úıin, tanys ortasyn qatty jaqsy kóredi. Únemi óziniń jeke úıi bolǵanyn armandaıdy. Tabıǵatqa óte jaqyn, jasyl jelek, gúl ataýlyny óte jaqsy kóredi. Qala syrtyna taza aýa jutý úshin ǵana barýǵa erinbeıdi. Densaýlyǵy myqty, aýyra qal-ǵan jaǵdaıda syrqatynan baıaý aıyǵady. Optımızmniń azdyǵynan da zardap shegedi. Ózderin qatal jáne óte shydamdy dep oılaıdy. Shyndyǵynda da óte qatal jáne tik. Olar jyldar boıy fızıkalyq ta, psıhologıalyq ta aýyr júkterdi alyp júre alady, eshkimge shyǵymdanbaıdy da, eshkimdi kinálamaıdy da. Torpaqtarda sátsizdikter oryn alǵan saıyn odan ótý úshin kúsh jınaı túsedi. Armandaryna az qadamnan bolsa da, jol salady. Bolashaǵyn nyq qalaıdy.

Egizder (21 mamyr – 20 maýsym)

   Siz úshin bul jyldyń qyzyǵy men shyjyǵy mol bolady. Ómirińizde buryn-sońdy bolmaǵan oqıǵalar bolyp, jaqyndaryńyz tanymaıtyndaı ózgeresiz. Jeke ómirińizde, mansap jolynda, aqsha máselesinde, ımıjińizde barlyǵy josparlaǵanyńyzdaı bolady. Bul qysta jyly júresiz. Qańtar aıynda súıiktilerińizben qarym-qatynastaryńyzǵa baılanysty úlken sheshim qabyldaısyz. Qyzmette barynsha tártipti bolǵanyńyz jón. Ókinishke oraı, jeltoqsan aıynda súıiktińiz ben dostaryńyzben jolyǵýǵa ýaqytyńyz bolmaýy múmkin. Ózińizdi naýryz aıynda patshadaı (patshaıymdaı) sezinesiz. Qolyńyzdan barlyǵy da kelip, sizge tańdaı qaǵyp qaraıtyn bolady. Sáýir aıynda jeke zattaryńyzǵa muqıat bolyńyz. Maýsym aıynda qyzyǵýshylyǵyńyzdy eske alyńyz. Shilde aıy naǵyz jumys pen aqsha tabýdyń mezgili. Al tamyz aıy otbasyńyzǵa, jaqyn dostaryńyzǵa kóńil bóletin ýaqyt. Áleýmettik ortada jaqsy adamdardyń nazaryna ıe bolasyz. Al qazan aıynda áriptesterińiz ne qurbylaryńyzben qarym-qatynastyń shynaıy beınesin kóresiz. Shilde aıyna deıin súıiktińizdi izdeýmen bolasyz. Sezimge erik bermes buryn, minezderińizdiń sáıkestigin eskerińiz. Naýryz aıynda aralasatyn dostaryńyzdyń qatary kóbeıip, ekinshi jartyńyzdy jolyqtyrýyńyz múmkin. Sáýir aıynan bastap kelesi jarty jyldyqta erekshe shabytqa ıe bolasyz. Sol shabyttyń arqasynda mahabbatyńyz romantıkaǵa tolyp, shyǵarmashylyǵyńyzdy shyńdaı túsesiz. Mamyr aıynda syılyqtardyń astynda qalasyz. Tamyz aıy men qazan aıynyń ortasynda jańa bir sezimderge ıe bolasyz. Al qarasha aıy otbasyn qurýǵa naǵyz qolaıly ýaqyt. Mamandar osy aıda otbasyn qurǵan ǵashyqtardyń mahabbaty máńgilik bolatyndyǵyn aıtady. Otbasylyq ómirde ózgerister bolyp, jaryńyzben ýaqytsha jaraspaı qalýlaryńyz múmkin. Alaıda artynsha barlyǵy ornyna keledi.

Shaıan (21 maýsym – 22 shilde)

   Áriptestik, sybaılastyq qarym-qatynasta kóp nárseni túzetýge múmkindik týady. Qulshynysyńyzdy ólshep kórip, mahabbatqa ıelik etýge múmkindik berińiz. Ómirlik eń mańyzdy delingen tapsyrmalardy sheshýge kóńil bólińiz. Ózińizge shyn máninde ne kerek ekenin anyqtap alyńyz. Áriptestik, joldastyq qarym-qatynasta sal-qynqandylyq tanytyńyz. Óz oılaǵanyńyzdy júzege asyrý kóp qıyndyq týdyrmaıdy. Batyl qadamdar men optımısik kózqaras qarjylyq ál-aýqatyńyzdy jaqsartyp, jumys ornyńyzdaǵy baǵyt-baǵdaryńyzdy bekite túspek. Tolassyz jetistikten basyńyz aınalýy múmkin, sondyqtan sanalylyqty saqtańyz. Jumys ornyndaǵy aýyzbirshilikti otbasylyq qarym-qatynasta da ustanyńyz. Ózińizdi ózgetýge tyryspańyz. Ǵashyqtyq qarym-qatynas, sezim dertine jıi shaldyǵýyńyz múmkin. Alǵashqy kezden bastap sezimińizdi durys baǵamdap, durys jolǵa qoıyp úırenińiz. Jáne bul tusta óz qolyńyzǵa kóp jaýapkershilikti alýǵa týra keletin sátter týyndaýy múmkin. Qańtar-aqpan-qyrkúıek-tamyz aılarynda mahabbat tóńireginde úlken ózgerister oryn alyp jatsa, qarsy bolmańyz. Alǵashqy jarty jylda oryn alǵan ózgerister ómirińizge oń áserin tıgizedi. Saqtyqty joǵaltyp almańyz. Aqpan aılarynyń orta tusynda otbasylyq jáne úıishilik suraqtarǵa ýaqyt bólińiz. Bul tusta da jumys ornyńyzda jaqsy qarym-qatynasty nyǵaıta túsýińiz tıis. Úı ishindegi úlken ózgeris ornatý jolyndaǵy talpynystar nátıjelilikke alyp kelmeýi múmkin. Maýsym aıyna deıin úlken býynnyń kóńilinen shyǵyp jatý múmkin bolmaıdy, sondyqtan ózińiz neni durys dep oılasańyz, solaı sheshim qabyldańyz. Balalar kóp maqtaý men kóp ýaqyt bólinýin qalaıdy. Jáne óz kezeginde balalar úshin úlken shyǵynǵa túsýińiz múmkin.

Arystan (23 shilde – 22 tamyz)

   Araılap atqan árbir tańǵa qýaný, ózgelerdi tańdandyrý jáne óz-ózińizge ǵashyq bolý - osy jyldy kóńildi ótkizýińizge kóp kómegin tıgizedi. Otbasyńyzǵa degen erekshe kózqarasyńyz oshaǵyńyzdaǵy túsinistikti úılestirýge degen qulshynysyńyzdy  arttyrady. Shyǵarmashylyq qadamdaryńyz sizge úıińizge talǵammen ornalasýǵa múmkindik beredi. Saýyqtyrý oryndaryna jáne teńizge barýǵa ýaqyt tabýǵa tyrysyńyz. Jaqyndaryńyz siz oqýmen, qaǵazbastylyqpen is saparlarmen basyńyz qatyp júrgen qıyn kezeńde qoldaýǵa tyrysady. Belsendilik pen optımızm kúmándardan arylýǵa kómektesetin eń úzdik dári bolmaq. Ózińizdiń ishki álemińizben úzdiksiz qushtarlyqpen jumys jasaı otyryp, siz ózińizdi jarqyn, jańa qalypta kórsete alasyz. Bul jyl jyljymaıtyn múlik, jóndeý jumystarymen baıla-nysty máselelerdi sheshýge taptyrmas jyl bolyp tabylady. Qańtardan mamyrǵa deıingi aralyqta nemese tamyz aıynda turǵyn úı máseleleri jaqsarady. Kópten kútken qonys aýdarý bolady. Kelin túsirip, shańyraǵyńyz keńeıe túsedi. Ekinshi jartyjyldyqta mindetti túrde ata-anańyzdyń máselelerimen shuǵyldanyńyz. Balalaryńyz óziniń shyǵarmashylyǵymen, ózindik is-áreketterimen qýantady. Jubaıyńyz mansap jolynda joǵarylaýy múmkin. Belsendi qarym-qatynas, dostyq sheńberińizdiń keńeıýi – sizdiń jeke tulǵa retinde ósýińiz úshin óte qajet. Ortaq qyzyǵýshylyqtardyń arqasynda alys týysqandaryńyzben qarym-qatynastaryńyz jalǵasyn tabady. Qańtar men shilde aılarynda sizdiń aınalańyzda kóptegen ózgerister oryn alady. Bilim, ǵylym, sport, transport, oı eńbegi, BAQ, qarjylyq, halyqaralyq qatynastar sekildi sala mamandaryna birinshi jarty jyldyqta birqatar qıyndyqty basyp ótýge týra keledi.

Bıkesh (23 tamyz – 22 qyrkúıek)

   Bul jylda qaýipsizdikke, qolaılylyqqa jáne rahattanýǵa degen qajetsinýdi aıqyn sezinesiz. Aqshaǵa degen kózqarasyńyz ózgerýi múmkin. Aınalańyzdaǵy adamdarmen qarym-qatynasty durys ustaǵanyńyz jón. Jańa jyldyq oıyn-saýyq sizdiń is-qatynastaryńyz ben qarjylyq qoryńyzǵa keri áserin tıgizýi múmkin. Sezim, romantıka, shyǵarmashylyq, istegi jetistikter – munyń barlyǵy sizdi kóktemde kútedi. Keıbireýler keıbir qatynasty úzgennen keıin ózin erkin sezinbek. Belsendi jaz, áriptestiktegi mol oqıǵalar jáne mansaptaǵy ósý kúndelikti birsydyrǵy ómirińizge ózgeris engizedi. Tamyz aıynda barlyǵynan basyńyzdy alyp qashyp, ońashada bolǵanyńyzdy qalaısyz. Qońyr kúz - belsendiler men batyldar úshin jáne pármendi izdenistegi jandar úshin tabysty bolady. Qazan aıynda ózińizdi kórsetýde jáne bızneske kiriser aldynda ıkemdilik qajet. Qarashada qosymsha bilim alý haqynda oılanǵanyńyz durys.

 Tarazy (23 qyrkúıek – 22 qazan)

   Tarazylar bul jyly ómirlik serikteri men barlyq iste tirek bolar súıenish izdeıdi. Ózińizdi kórsetip úırengenińiz jón. Ásirese, sózińiz ben isińizdi qadaǵalaý mańyzdy. Bastyǵyńyz sizdi kerek ári myqty maman dep baǵalaıtyn bolady. Jyldyń basynda barynsha ózgerýge tyrysasyz. Kóp ýaqytyńyzdy otbasyńyzǵa bólip, jaıma-shýaq kúnderdi jaqyndaryńyzben birge ótkizesiz. Mahabbat pen syılastyq ataýlysy basty tiregińizge aınalady. Kóp ýaqytyńyzdy jumysqa arnasańyz da, jaqyndaryńyz úshin árdaıym ýaqyt taýyp otyrasyz. Maýsym aıynda bastyǵyńyzben renjisip qalmańyz. Renjisken jaǵdaıda da barlyǵyn aqylmen sheshýge tyrysyńyz.  Al shilde men tamyz aılary siz úshin úlken múmkindikterdiń esigin ashady. Qyrkúıek aıynda kólge baryp demalýyńyz múmkin. Qazan aıynda jalaqyńyz ósedi. Kóktem aılarynda súıiktińizdi jolyqtyryp, erekshe sezimge bólenesiz. Ókinishke oraı, alǵashqy qadam ózińizge tıesili. Jigitterdiń batyl qyzdardy jaqsy kórmeıtindigin este saqtańyz. Naýryz aıy romantıkaǵa toly bolady. Qys aılarynda bolǵan kıkiljińge qaramastan, tatýlasyp, ómirlerińizdi jańa paraqtan bastaısyzdar. Ol úshin áreket jasamaǵan jaǵdaıda máńgilikke aıyrylysyp ketýlerińiz múmkin. Súıiktińizdiń qandaı bolý kerektigin júregińiz ǵana aıtyp bere alady. Al mamyr aıynda dál sol adamdy kezdestirý múmkindigi týady. Jaz aıynda qyzyǵýshylyǵy ózińizden múldem basqa adamǵa turmysqa shyǵýyńyz múmkin.

Saryshaıan (23 qazan – 21 qarasha)

   Óz ıdeıalaryńyz ben qyzyǵýshylyqtaryńyzdy qorǵaı bilińiz. Boıyńyzdaǵy kúsh-jigerdi shyǵarmashylyqqa baǵyttańyz. Siz ózińizdiń ishki jaǵdaıyńyzben Sáýir aıynda barlyq nárseniń óz qolyńyzda emestigine kózińiz jetedi jáne olardyń kóbisine ıkemdelip, sabyrlyq tanytýǵa májbúr bolasyz. Maýsym - batyl áreket jasaý men aldaǵy ýaqytta bolatyn iri oqıǵaǵa daıarlyq jumys-taryn daıyndaýǵa yńǵaıly aı. Shilde aıynda josparlardan belsendilikke kóshken abzal. Al jazdyń sońǵy aıynda shekten shyǵyp ketpeý mańyzdy. Josparlanǵan ári senimdi qadamdaryńyz jumysta jáne qarjylyq máselelerde óz jemisin bere bastaıdy. Buǵan sizdiń til tapqyshtyǵyńyz ben habardarlyǵyńyz óz septigin tıgizedi. Minez-qulqyńyzdyń ózgerisi sezimińizge edáýir áser etedi. Kez kelgen adamnyń sizdiń jańa minezińige tótep berip, keıbir tusta úırenisýine týra keledi. Jaryńyzdy kóp maqtap, kóp qamqorlyq tanytýǵa tyrysyńyz. Sebebi, áreketke ishteı salqynqandy kózqarasyńyzdy ózine sýyp ketti dep túsinýi múmkin. Qańtar aıynda erli-zaıyptylar arasyndaǵy qarym-qatynas ýshyqpaq.

Mergen (22 qarasha – 21 jeltoqsan)

   Ómirińizde oryn alatyn eleýli ózgerister saldarynan ózińizdiń alǵan baǵytyńyzdan jańylyp qalý qaýpi bar. Sol kezde bolýy múmkin haostyq jaǵdaılarda emosıaǵa erik bermeı, barynsha sabyrly bolýǵa jáne aqylmen oılanýǵa tyrysyńyz. Jeke basyńyzdy ártúrli oqıǵalar men ózgerister kútip tur. Biraq baıbalam salmańyz, sabyr saqtańyz. Bul sizdiń aldaǵy jarqyn ómirińizge septigin tıgizetini sózsiz. Siz túbegeıli ózgeresiz, sondaı-aq aqyry aınalańyzdaǵy bolyp jatqan ózgeristerdiń sebebin aqyryndap túsine bastaısyz. Shilde aıynda sizdi úlken baqytqa kenelý múmkindigi kútip tur. Siz ózińizge jańa qyzyǵýshylyqtar taba bastaısyz. Ómirge degen qushtarlyǵyńyz qaıta ashylyp, úlken bedelge ıe bolýyńyz da ábden múmkin. Aldaǵy jyly Aıdyń áserinen sizdiń mahabbatta jolyńyz mindetti túrde bolady. Qańtar men shilde aılarynyń aralyǵynda qarjylyq máseleńiz oń sheshimin tabady. Shilde aıynyń sońynan qyrkúıektiń ortasyna deıin súıiktińizben kóbirek ýaqyt ótkizýge tyrysyńyz, shetelderge shyǵyp demalyp qaıtsańyz da ábden bolady. Al nekege turamyn dep sheshseńiz, onda sizge mamyr men tamyz aılary ońtaıly keledi.

Taýeshki (22 jeltoqsan – 19 qańtar)

   Qańtar men aqpan aılarynda ishki kúshińizdiń myqtylyǵy aınalańyzǵa kerek adamdardy jınaýyńyzǵa kómektesedi. Mamyrda jumys pen otbasyńyzǵa degen jaýapkershiligińizdiń arqasynda úı men keńse arasynda aıryqsha úılesimdilik saqtaısyz. Tyǵyz jumys ýaqyty bastyǵyńyz ben áriptesterińizdiń túsinispeýshiligin týǵyzýy ábden múmkin. Sondyqtan jeke ómirdi jumysqa aralastyrmaýǵa tyrysyńyz. Qyrkúıek aıynda joǵary bilim ne qosymsha bilim alǵanyńyz jón. Qazanda áleýmettik jaǵdaıyńyzǵa ózgeris engizetin usynystar túsip qalýy múmkin. Qarym-qatynastaryńyzǵa syzat túspeýi úshin qys aılary men sáýir, maýsym-shilde, qazan aılarynda jartyńyzdy sizge qaryzdar bireý retin-de emes, taǵdyrdyń sizge tartqan syıy dep qabyldańyz. Kóktemde súıiktińiz sizdiń qalaýyńyzǵa bas ıetin bolady. Óıtkeni bul kóktem sizdi jaqsy jaǵyńyzǵa qaraı ózgerteıin dep tur. Maýsymda, tamyzdyń alǵashqy jartysynda qyrkúıek, qarasha aılarynda demalýǵa, saıahatqa shyǵýǵa jol ashyq. Eger jartyńyzdy áli keziktirmegen bolsańyz, osy aılarda jańa tanystyqtan qashpańyz. Jyldyń alǵashqy jartysynda ata-anańyzǵa aıryqsha kóńil bólińiz. Úı-jaı máselelerin kóktemde sheshseńiz, tıimdi bolmaq. Naýryz, mamyr, tamyz-qyrkúıek, qarasha aılarynda otbasyńyzda tynyshtyq, bereke ornaıdy. Ókpe-renishti umytyp, jaqyndaryńyzǵa jylýlyq kórsetseńiz, jaıly ómir súre alasyz. Úı tirligine beı-jaı qaramaı, ózińizdiń ekinshi qyryńyzdy shyńdańyz.

Sýquıǵysh (20 qańtar – 18 aqpan)

   Qańtar aıynda saıahatqa attanyńyz nemese janyńyzǵa jaǵatyn ispen shuǵyldanyńyz. Aqpan aıynda ózińizdiń jańa beıneńizdi jasaýǵa kirisińiz. Al jeltoqsan aıynda kúdikti adamdardan alys bolyp, jónsiz isterge bas suǵýshy bolmańyz. Naýryz ben sáýir aılarynda sizdi kútpegen qarjylyq usynystar qýantpaq. Al mamyr aıynda otbasyńyz sizdiń ár ıdeıańyzǵa razy bolady. Maýsym men shilde aılarynda demalys pen jumysqa da qatar ýaqyt bólińiz. Mahabbat oqıǵalarynyń sizdiń ámıanyńyz nemese karerańyz úshin qurylmaýyna basa nazar aýdaryńyz. Tamyz aıynda seriktesip jumys jasaýǵa usynystar kelip túsedi. Karerańyzdy ósirip, qoǵamda dárejeńizdi kóterý úshin ózińizdi biraz jerde qurban etýińizge týra keledi. Sizdiń qyzǵanshaqtyǵy joq minezińiz er azamattardy tań qaldyrady. Sizdi basqa adamnyń bostandyǵy men oıyn qurmetteıtin adam unaıdy. Naýryzdan qarasha aıyna deıin neke qımańyz. Óıtkeni osy kezdegi ómirińiz sizdiń jubyńyz bola almaıtyn adammen jolyqtyrýy múmkin. Eger osy kezde shańyraq kóterseńiz, ózińizdiń qateleskenińizdi bir jyldan soń biletin bolasyz.Turmystyq máselelerge kelgende jubaıyńyzdyń aqylyna súıenińiz. Ol osy kezeńde ózin ózgege kerek sezinýi kerek. Bala-shaǵańyz osy ýaqytta tynyshsyzdanady. Ótken jylǵa qaraǵanda siz bul jyly «isteý kerekten» birshama qutylyp demalatyn bolasyz. Jazdyń ortasyna deıin dostaryńyz sizge kez kelgen jaǵdaıda tirek bola alady. Olardyń arqasynda siz biraz isti tyndyryp úlgeresiz. Sizdiń eshkimniń oıyna kele bermeıtin ıdeıalaryńyz biraq sharýaǵa dem bolady. Naýryz aıynan qarasha aıyna deıin kez kelgen dosyńyzben baıqap aralasyńyz.

Balyqtar (19 aqpan – 20 naýryz)

Qańtar aıynda ózińiz kópten júrip kele jatqan josparyńyzǵa qaıta kóz tigińiz. Dostaryńyz ben jaqyndaryńyzdyń pikiri jumysyńyzdyń órleýine jańa tynys bermek. Qarjynyń ortasy jaýapkershilik pen saýattylyqty talap etedi. Taban astynda kóterilip ne túsip ketýińiz de ǵajap emes. Maýsym aıynda sizdi romantıka kútip tur. Jazda áriptestermen jumys jasaý úshin basqa kezdegiden de kóp kúsh jumsaýyńyzǵa týra keledi. Aqyl-oıdyń arqasynda kútpegen tabystyń jemisin kóresiz. Kóp kúshti ózińizdiń densaýlyǵyńyzǵa, bilimińizge jáne jeke ómirińizge bólińiz. Sizdiń ózgelerden erekshe minezińiz ben ómirge degen kózqarasyńyz sizdi únemi mahabbatta jeńiske aparady. Qańtar men shilde aılarynyń ortasynda sizdi tańǵajaıyp mahabbat oqıǵasy kútip tur. Qańtar, aqpan jáne naýryz aılarynda siz ózińizge qatty kóńil bólesiz. Sonymen qatar ótkenińiz jaıly da kóp oılaıtyn bolasyz. Sizdi bul jyly qyzyqty sharalar men oqıǵalar kútýde. Bári de otbasylyq qarjynyń qoryna kelip tireledi. Siz óz jubaıyńyz úshin álemdegi eń sulý, ári aqyldy jarsyz. Qańtar aıynda úıdiń erkeleri sizderdiń júıkelerińizge biraz salmaq salyp sizderdiń sabyrlyǵyńyzdyń qanshalyqty qatań ekendigin tekserip kóredi. Jaǵdaı sondaıǵa kelip tireledi. Dostardyń sizge bul jyly keregi kóp. Sizdiń aldyńyzǵa dos betperdesin kıip alǵan adamdar da dostyq bildirip kelýi múmkin. Olarǵa esigińizdi ashpańyz. Onymen qosa sizdi shynymen dos kóretinderdiń de sany jetip artylady. Birinshi jartyjyldyqta ornaıtyn jaǵdaı sizben joly bir emes adamdardy yǵystyrady. Artyq salmaq qosýdan qorqyńyz. Jáne onymen kúresińiz. Qys mezgilinde tábetińiz ashylmaq.