Katalonıa basshylary Ispanıadan táýelsizdigin 9 qazanda jarıalaıtynyn málimdedi, dep jazady Qamshy.kz aqparat agenttigi tass.ru málimetine súıenip.
Táýelsizdikti qoldaıtyn Halyq birligi partıasynyń depýtaty, katalonıalyq Mıreıa Boıa aımaqtyń táýelsizdik týraly deklarasıasy parlament 1 qazanda ótken táýelsizdik týraly referendým nátıjelerin baǵalaǵan soń jarıalanatynyn aıtty. Al Ispanıa bıligi referendýmdy zańsyz dep tanyǵan.
Katalonıa basshylary 1 qazanda ótken referendýmǵa qatysqan 2,26 mıllıon saılaýshynyń 90 paıyzǵa jýyǵy Ispanıadan bólinýdi qoldaǵanyn málimdegen. Bılik referendýmǵa aımaqtyń daýys berý quqyǵy bar 5,34 mıllıon azamatynyń 42 paıyzy qatysqanyn aıtady.
Referendýmǵa deıin saýalnama qorytyndylary Katalonıanyń 7,5 mıllıon halqynyń shamamen 40 paıyzy táýelsizdikti qoldaıtynyn kórsetken.
