Katalonıa úkimetiniń basshysy Karles Pýchdemon men onyń orynbasary Orıol Jýnkers, sondaı-aq parlmaent spıkeri Karme Forkadel táýelsizdik týraly deklarasıaǵa qol qoıdy, dep jazady Qamshy.kz aqparat agenttigi RIA Novostı portalynyń málimetine súıenip.

Táýelsizdikti qoldaıtyn partıa depýtatttary da qujatqa qol qoıdy.

Parlamentte sóılegen Pýchdemon 1 qazanda ótken saılaý qorytyndysy táýelsiz memleket qurýǵa múmkindik beretinin málimdedi, alaıda egemendikti jarıalamas buryn Madrıdpen kelisimge kelýge shaqyrdy.

Óz kezeginde Ispanıa bıligi Katalonıa basshysynyń málimdemesine qarsy shyqty. Ispanıa úkimet basshysynyń orynbasary Soraııa Saens de Santamarıanyń aıtýynsha, jeneralıtet basshysynyń sózi – óziniń kim ekenin, qaıda jáne kimmen bararyn bilmeı júrgen adamnyń sózi, ári turaqsyzdyqtyń aıqyn kórinisi.

11 qazanda Ispanıa mınıstrler keńesiniń shǵyl otyrysy ótpek.

Aıta keteıik, 1 qszanda Katalonıada táýelsizdik týraly referendým ótti. Alaıda ıspan bıligi atalmysh refrendýmdy moıyndamaı otyr. Ispanıa koroli Felıpe VI Katalonıa úkimetin aıyptap, áreketterin «Ispanıa tatýlyǵyn buzýshylyqqa» balady.