Golandyq Zembla televızıalyq baǵdarlamasy Sybaılas jemqorlyq pen uıymdasqan qylmysty zertteý ortalyǵymen birlesip AQSH prezıdenti Donald Tramptyń burynǵy bıznes seriktesi Felıks Sater, Almatynyń eks-ákimi Vıktor Hrapýnovtyń otbasy men BTA banktiń burynǵy basshysy Muhtar Áblázovtyń baılanysy jaıynda derekti fılm túsirdi. Bul týraly Tengrinews.kz portalynyń tilshisi málim etti, dep jazady Qamshy.kz aqparat agenttigi.
Fılm avtorlary túsirilimder úshin Kıpr, Belız, Nıderland, Ýkraına, Qazaqstan jáne AQSH elderindegi kompanıalardyń, sondaı-aq sot otyrystarynyń qujattaryn, sondaı-aq suhbattardy zerttegen. Kartına avtorlarynyń habarlaýynsha, Bayrock kompanıasy men Sater men Hrapýnovtyń birlesken kásiporyny – Kazbeı aqshany jylystatýǵa arnalǵan sqemaǵa qatysy bar dep aıyptaldy. Budan bólek Muhtar Áblázov paıdalanǵan golandyq kompanıanyń da róli qaraldy.
Sondaı-aq Sater men Hrapýnovtyń mıllıon dollarǵa mámile jasaǵan sáti aıtyldy. Kartınaǵa sáıkes, qazaqstandyq bılik Hrapýnovtyń sqemasynyń arqasynda Áblázovtyń da qarjysy tazartylǵanyn málimdegen.
