Jas farmasevt boıjetken súıiktisin romantıkalyq keshki asqa shaqyryp, ózi Tenerfıtegi demalys kezinde óz-ózine qol jumsap, kóz jumdy, dep habarlaıdy Qamshy.kz aqparat agenttigi Life.ru saıtyna silteme jasap.
28 jastaǵy Vıktorıa Smıttiń máıiti ıspandyq demalys aralyndaǵy aılaqtardyń birinen tabyldy. Daily Mail basylymynyń habarlaýynsha, boıjetken ólerden birneshe aı buryn ıyǵy aýyryp júrgendigin jıi aıtyp, kóptegen máseleler mazalap júrgendigin aıtqan. Sonymen qatar, birneshe kún buryn ol 31 jastaǵy súıiktisi Mett Akrraıtpen baspana alýy úshin jylqysyn satqan eken. Vıktorıanyń jumysynda da kóp qıyndyqtar bolǵan – ol óziniń jumysyn jek kórip, jańa oryndy kútip júrgen.
Vıktorıa Smıtti tiri kezinde sońǵy bolyp Mett kórgen. Baseınniń janynda jýrnal oqyp otyrǵan kezinde Vıktorıa oǵan keshki asta kezdesetindigin aıtqan. Tergeý barysynda, tergeýshi boıjetkenniń aqyl-esinde aýytqýlar paıda bolyp, ony qazirgi kezdegi eń jaman aýytqýshylyq dep ataǵan. Belgili bolǵandaı, sońǵy ýaqyttarda qyz antıdepressantardy jıi qoldanyp júrgen, alaıda úı satyp alý máselesine baılanysty únemi qobaljý ústinde júrgen eken. Al demalys kezinde ol dárilerdi qabyldaýdy múldem toqtatqan, sonyń saldarynan da osyndaı qaıǵyly jaǵdaı oryn alǵan.
«Bizdiń bolashaqqa kóp josparlarymyz bar edi. Rım qalasyna saıahattap barýdy josparlap júrgenbiz jáne jańa úıimizge jıhazdar tańdap júr edik...», - deıdi jigiti Mett Akrraıt.
