2016-2019 jyldarǵa arnalǵan «Densaýlyq» memlekettik baǵdarlamasyn júzege asyrý maqsatynda 2017 jyldyń 1 qazanynan bastap 1 qarashaǵa deıin respıratorlyq vırýstyq ınfeksıa, tumaý men pnevmokoktyq ınfeksıanyń aldyn alý boıynsha óńirde aılyq ótkizile bastady.
Oblystyq salaýatty ómir saltyn qalyptastyrý ortalyǵynyń dárigeri G. Pazylovanyń aıtýynsha, jiti respıratorlyq vırýstyq ınfeksıalar barlyq ınfeksıalyq aýrýlar arasynda 90 %-dy quraıdy eken. Kóbine JRVI jáne tumaýǵa balalar, qart adamdar, joǵary tynys alý joldary men bronh-ókpelik júıesi sozylmaly aýyratyndar, ımmýntapshylyǵy kúıindegi pasıentter shaldyǵady.
-Tumaýmen aýyrǵannan keıin bronh demikpesi, sozylmaly bronhıt, júrek-qan tamyr aýrýy, zat almasýdyń buzylýynan týyndaǵan aýrýlar sekildi sozylmaly aýrýlar asqynady. Aýrýdyń nemese onyń asqynýynyń aldyn alýdyń eń tıimdi joly vaksınalaý bolyp tabylady. Vaksınasıa, ásirese, tumaýdyń asqyný qaýpi joǵary toptaǵy adamdarǵa, sonymen joǵary qaýip-qater tobyndaǵy adamdarmen birge turatyn nemese olarǵa kútim jasaıtyn adamdar úshin mańyzdy. JRVI, tumaý men pnevmokoktyq ınfeksıanyń aldyn alý maqsatynda myna qarapaıym erejelerdi saqtaǵan jón. Iaǵnı, naýqas adamdarmen qatynaspaý, naýqas adamdarmen baılanys kezinde betperde kıý, ınfeksıanyń taralýynyń aldyn alý úshin qoldy sabynmen nemese bakterıaǵa qarsy quraldarmen (quramynda spırti bar eritindilermen) jýý, bir rettik muryn súlgilerin qoldana otyryp, jótelý jáne túshkirý kezinde muryn men aýyzdy jabý, adamdar jappaı jınalatyn oryndarǵa barmaý, ǵımaratty únemi jeldetý, kózdi, muryndy, aýyzdy las qolmen ustamaý qajet,- deıdi oblystyq salaýatty ómir saltyn qalyptastyrý ortalyǵynyń atalmysh mamany.
Sondaı-aq ol taza aýada serýendeýdiń, dárýmenderge baı úılestirilgen taǵam aǵzanyń kez kelgen ınfeksıalarǵa qarsy turýyna kómektesetinin jáne aýany tazartýda últrakúlgin sáýle, aerozoldi dezınfektordy nemese katalıtıkalyq aýa tazartqyshty qoldanýdyń mańyzdylyǵyn aıtty.
Gúlim AQAP,
Batys Qazaqstan oblysy
