Qylmystyq jáne basqarma qyzmetiniń sandyq júıege ótýi sebepti, memlekettik qyzmetkerlerge smartfon qoldanýǵa múmkindik beriledi,- dep Qamshy.kz aqparat agenttigi Tengrinews.kz saıtyna silteme berip jazady.
«Sandyq júıege ótý barysynda mobıldilik kerek, sondyqtan bul suraq Májiliste áli de qarastyrylatyn bolady»,- dedi QR bas prokýrorynyń orynbasary Marat Ahmetjanov.
Osynyń aldynda, Ahmetjanov «sandyq júıege ótý qoǵamǵa jáne tergeýshilerdiń jumysyn jeńildetýge qajet» degen bolatyn. Oǵan qosa, QR İİD-i sandyq júıege ótý úshin áli de tehnıkalyq jabdyqtandyrý óte nashar ekendigin aıtqan.
Esterińizge sala keteıik, 2016 jyldyń naýryz aıynda barlyq memlekettik organ qyzmetkerlerine jáne onda kelýshilerge mobıldi qurylǵylardy (smartfon, planshet, smatr- saǵattar) qoldanýǵa tyıym salynǵan bolatyn. Munyń sebebi, memlekettik qyzmetkerlerdiń smart qurylǵyny jumys barysynda qoldanyp, WhatsApp jelisi arqyly kóptegen qupıa aqparattardy taratýy jıilegende jasalǵan shara edi.
