Reseı prezıdenti Vladımır Pýtın ıadrolyq jáne zymyran synaqtaryn jasaǵany úshin Soltústik Koreıaǵa sanksıa salý týraly jarlyqqa qol qoıdy dep habarlaıdy Qamshy.kz aqparat agenttigi life.ru-ǵa silteme jasaı otyryp.

Jarlyq BUU Qaýipsizdik keńesi qabyldaǵan qararyna baılanysty shyǵarylǵan.

Jarlyqqa sáıkes, Phenánda ıadrolyq baǵdarlamamen aınalysatyn zańdy jáne jeke tulǵalarǵa shekteý qoıylǵan. Olardyń arasynda Soltústik Koreıanyń joǵary laýazymdy sheneýnikteri, bank, saýda jáne korporasıa basshylary bar. Jarlyqta Reseıden Soltústik Koreıaǵa eksporttalatyn birqatar taýarlarǵa da tyıym salynǵan.

Munyń aldynda Máskeý Soltústik Koreıany ıadrolyq synaǵy úshin synǵa alyp, Phenán men halyqaralyq qaýymdastyqty BUU qararlaryn oryndaýǵa shaqyrǵan.

Reseıdiń Soltústik jáne Ońtústik Koreıa delegasıasyn kelissózge shaqyrý áreketinen ázirge nátıje bolmaı tur.